Sefania 1:2 - AHYERƐLƐ KRONGRON

² “Ngɔpra nikyee biala boso bɔkɔɔ ngofi aseɛ so,” AWURADE noa dwirɛ ɛne.

Sefania 1:2 Iomraidhean Croise

Gyenesise 6:7

Yiti AWURADE hane kyɛ, “Ngonua kuro sona bɔ mabɔ ye ne boso ngofi aseɛ ye aso: mmenia ne ngaka mbiri ne ngaka bɔ bɛtwe bɛ nwo ase ne ewienu nnomaa, ofikyɛ manu me nwo kyɛ nyɔle bɛ ɔ.”

2 Aberɛso Dwirɛ 24:24

Ɔwɔ nu kyɛ né Siria koɛhonɛfoɛ nemɔ banzo de, nakoso AWURADE fale Yuda koɛhonɛfoɛ ɛlɔen kandinga ne wurale bɛ sa, ofikyɛ Yudafoɛ pole AWURADE bɔ ɔte bɛ nana mɔ Nyameɛ ne. Ye sɔ ne ati, Siriafoɛ lili Yoase so ngonim.

2 Aberɛso Dwirɛ 36:21

Ɛhe sili, amaa AWURADE dwirɛ bɔ ɔnate Yeremia so hane ne, wawa nu; amaa ɔnate so aseɛ ne wanya ate wali ye afofingyẽa. Ngyẽa amukoraa bɔ aseɛ ne lale berɛ mbaen ne, né odi afofikyẽa alaa kɔpem kyɛ afoɛ aburasoo sone ɔ.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yeremia 34:22

Ɛ́mɔtie, ngɔfa ahyɛdeɛ ngɔma, na ngosa ngɔfa bɛ ngɔwa kuro ye aso, AWURADE noa dwirɛ ɛne’. Bɛkɔfa koɛ bɛkɔteta kuro ye, bekoli so ngonim, na bɛkɔto nu see bɛkɔyera ye. Na ngɔma Yuda nguro nemɔ bɛkɔyɛ kurofoen bɔ sona fee ɔnne so ɔ.

Yeremia 36:29

Na Yuda hene Yehoakim de, se ye kyɛ, ‘AWURADE nwa nyoo: Ayera nwomaa he, na ɛnwa, “Nzu ati yeɛ ahyerɛ ye wɔ nu kyɛ, amba, Babilɔn hene kɔwa kɔɔsɛkye maen he, ná okonua mmenia ne ngaka bɛ boso kofi so ɔ?”

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Mika 7:13

Nakoso aseɛ ne kɔkakyi kurofoen, ɔnate so ama nemɔ ati, ɔnate bɛ yɔleɛ ti.