Sefania 1:1 - AHYERƐLƐ KRONGRON

¹ Yuda hene Yosia bɔ ɔte Amon awa ne, ye aberɛ so, AWURADE dwirɛ bɔ ɔlale ye ali hyirele Sefania bɔ ye baba ole Kuse bɔ ye baba ole Gedalia bɔ ye baba ole Amaria bɔ ye baba ole Hesekia ne, ye ɛhe:

Sefania 1:1 Iomraidhean Croise

2 Ahemvo 21:18

Manase toale ye mbanyi mɔ. Turo bɔ ɔwɔ ye awuro berɛ bɔ bɛfrɛ ye Yusa turo ne, nu yeɛ besiele ye ɔ, na ɔwa bienzua Amon lili ye bia.

2 Ahemvo 21:26

Besiele ye wɔ ye bɔbɔ ye asieleɛ nu wɔ turo bɔ bɛfrɛ ye Yusa ne anu, na ɔwa bienzua Yosia lili ye bia.

2 Aberɛso Dwirɛ 33:20

Manase toale ye mbanyi mɔ. Besiele ye wɔ ye awuro, na ɔwa bienzua Amon lili ye bia.

Yeremia 1:2

Ye yeɛ AWURADE lale ye dwirɛ ali hyirele ye, wɔ Yosia bɔ ye baba ole Yuda hene Amon ne, ye ahennie afoɛ bɔ ɔtɔ so buru ne nza ne anu ɔ.

Yeremia 22:11

Ofikyɛ Salum bɔ ye baba ole Yuda hene Yosia, bɔ olili ye baba Yosia bia, ná ofili wa hɔle ne, bɔ AWURADE kã fa ye nwo ɛhe, “Ongosa ngɔwa ko,

Yeremia 25:3

“Ofi Yuda hene Yosia bɔ ye baba ole Amon ne, ye ahennie afoɛ bɔ ɔtɔ so buru ne nza bɔ ɔbaadwu ɛnɛ, bɔ ɔte afoɛ aburanyɔ ne nza ɔ, AWURADE ala ye dwirɛ ali ahyire me, na mahɔ so mahã mahyire ɛmɔ, nakoso ɛmɔandie.

Hesekiel 1:3

AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Hosea 1:1

Yuda ahemvo Yusia, Yotam, Ahase ne Hesekia, yeɛ Yoase awa Yisrael hene Yeroboam, b’ahennie aberɛ so ne, AWURADE dwirɛ bɔ ɔlale ye ali hyirele Beeri awa Hosea ne, ye ɛhe.

2 Timoteo 3:16

Ahyerɛlɛ ne amukoraa fi Nyameɛ nwomeɛ nu yeɛ ɔwale ɔ, na ɔte paa ma ngyerɛkyerɛ, ɔma sona nwu ye mvomsoɛ, bɛfa bɛtengyɛtengyɛ sona, na bɛfa bɛtete sona wɔ tenenee atee so,

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.