Sakaria 9:9 - AHYERƐLƐ KRONGRON

⁹ O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Sakaria 9:9 Iomraidhean Croise

1 Ahemvo 1:38

Yiti ɔsɔfo Sadoke, ngɔmhyɛlɛniɛ Natan ɔne Yehoada awa Benaya, yeɛ Keretifoɛ ne Peletifoɛ ne, bɛɛfale Solomon bɛtenane Nana Dawide afunum ne aso, na bɛfale ye bɛhɔle mbombonzue Gihon nwo.

Edwein 149:2

Odi kyɛ Yisrael nye gye, ɔnate (Nyameɛ) bɔ yeɛ ɔbɔle ye ne ati, odi kyɛ Sion mma bɛ nye gye, ɔnate bɛ Hene ne ati.

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 30:6

Ngwaen dɔ aseɛ ne aso ngaka nwo nyekyire ɛhe: Bɛfa amaneɛ ne yealɛ aseɛ so, aseɛ bɔ gyata beleɛ ne gyata nyii wɔ so ɔ, bɔ ɛbɔnaa ne ewoo bɔ otu ɔ wɔ so ɔ, bɛfa b’anwonyadeɛ bɛsoa afunum mɔ, yeɛ bɛfa b’agyapadeɛ bɛteta afupɔngɔ mɔ si akyakya ne aso, kyɛ bɛkwaafa bɛma maen bɔ bengonya ye so mvasoɛ biala ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 43:11

Me, me ole AWURADE, na defoɛ biala nne berɛ ko bɔ ɔboka me so ɔ.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 62:11

Ɛ́mɔtie, AWURADE abɔ ye dawure maa waadwu aseɛ so nekaa biala. Ɔnwa nyoo, “Ɛmɔhã behyire Sion awa brasua ne kyɛ, ‘Tie, wɔ ngoalelɛ ne ɔ́ba, tie, ye ngonim akatuaa ne boka ye so, na ye akatuaa ne li ye nyunu.’”

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Hesekiel 21:32

Bɛkɔfa wɔ bɛkɔkakyi eyein bekohua see, bɛkɔhã wɔ mogya bekogua wɔ aseɛ ne aso, na bɛngɔkaye wɔ ko, ofikyɛ me, AWURADE, me yeɛ mahã ɔ.’ ”

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Mika 4:8

Na wɔ, mmoaen kure abandenden, Sion awa brasua anwoserɛ afealeɛ, wɔ berɛ yeɛ tumililɛ bɔ oli moa ne kɔwa ɔ; ahennie ne kɔwa Yerusalem awa brasua berɛ.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Sakaria 2:10

O Sion awa brasua, to dwein ná di ahurusi; ofikyɛ tie, méba, na ngɔɔtena wɔ nu, AWURADE noa dwirɛ ɛne.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 2:2

na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Marko 11:7

Bɛfale afunum akrɔngrɔma ne bɛbrɛle Yesu, bɛfale bɛ ndena beguale ye so, na ɔtenane ye so.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 19:15

Na bɛteateane nu kyɛ, “Fa ye kɔ! Fa ye kɔ! Bɔ ye mmeamudua nu!” Na Pilato bisale bɛ kyɛ, “Mmɔ ɛmɔ Hene ne mmeamudua nu anaa?” Na asɔfo mbanyi nemɔ buale kyɛ, “Yɛ de, yɛlle hene biala kyɛ Kaesare.”

Maenbulɛfoɛ 10:4

Ye mma mmienzua te aburasa, na né bɛ nu biala le ye ti anwo afunum bɔ ɔtena so ɔ. Né bele nguro aburasa wɔ Gileade mbɔtam, bɔ ɔbaadwu ɛnɛ ye bɛfrɛ bɛ Yari nguro ɔ.