Sakaria 9:8 - AHYERƐLƐ KRONGRON

⁸ Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Sakaria 9:8 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Ahemvo 19:34

Ofikyɛ ngɔbɔ kuro he anwo waen ngɔpepɛ ngole ye, ɔnate me bɔbɔ me ti ɔne me somvoɛ Dawide ti.’ ”

2 Ahemvo 23:29

Ye aberɛ so, Misraim hene Faro Neko hɔle ɔɔbokale Asiria hene wɔ koɛ nu wɔ asue Yufreti nwo. Nana Yosia fale koɛ ɔɔtoale Faro Neko. Nakoso Faro Neko yiale Yosia wɔ Megido ne, ohuni Yosia.

2 Ahemvo 24:1

Yehoakim aberɛ so, Babilɔn hene Nebukadenesa fale koɛ ɔɔtetale Yuda. Yehoakim yɛle akoaa Nebukadenesa sa nu afoɛ nza. Afei Yehoakim yɛle ye nwo lɔen.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Edwein 72:4

Maa oli maen ne anu ehiafoɛ bɛ dwirɛ ɔma bɛ; maa ɔpepɛ ole bɛ bɔ bɛyɛ anwumvo ɔ, ná obubu aminɛlilɛfoɛ nu gɔsɔgɔsɔ.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 3:9

Afei de, awuye bɔ Yisraelfoɛ bɛbɔ ne wadwu me nyunu, na manwu ɛhyɛlɛ bɔ Misraimfoɛ bɛhyɛ bɛ ne.

Anyandera 3:25

Nnɛsuro mvum nu ahunundetelɛ, anaa asane bɔ ɔto bɔnefoɛ ɔ.

Yesaya 26:1

Sɔ kyẽa ne, bɛkɔto sɔ dwein he wɔ Yuda aseɛ so: “Yɛle kuro bɔ ye nwo yɛ se ɔ, wafa ngoalelɛ wayɛ yɛ nwo fasue ne ɛwaen.

Yesaya 31:5

Kyɛbɔ nnomaa betu bɛbɔ mborɔkaa ne, sɔ ala yeɛ Asafo AWURADE kɔbɔ Yerusalem nwo waen ɔ; ɔkɔbɔ ye nwo waen okole ye, okogyina ye si, na ɔkɔpepɛ kole ye.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 52:12

Ɛmɔngofi berɛ bɛngɔhɔ ye ndɛndɛ so, yeɛ ɛmɔngɔnwati bɛngɔhɔ, ofikyɛ AWURADE koli ɛmɔ nyunu, yeɛ Yisrael Nyameɛ ne kogyina ɛmɔ si.

Yesaya 54:14

Wɔ bo kotindim wɔ tenenee nu, ɛne nhyɛsoɛ b’afia atee kɔwale, ofikyɛ engosuro, yeɛ ɛne ahunundetelɛ b’afia atee kɔwale, ofikyɛ ongopingye wɔ.

Yesaya 60:18

Bɛngɔte basabasayɔlɛ nga ko wɔ w’aseɛ so, bɛngɔte nzɛmmɔne anaa nningyein sɛkyelɛ nga wɔ w’aseɛ ne aso kodwu ɛwɛen so; ɛkɔfrɛ wɔ fasue mɔ: Ngoalelɛ, ɔne wɔ kuro pambim mɔ: Ayɛyelɛ.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 46:13

AWURADE dwirɛ bɔ ɔhã hyirele ngɔmhyɛlɛniɛ Yeremia, bɔ ɔfa kyɛbɔ Babilɔn hene Nebukadenesa kɔwa kɔɔsɛkye Misraim maen ne nen, ye ɛhe:

Yeremia 46:2

Misraim deɛ ɛhe: Ɔfa Misraim hene Faro Neko ye koɛhonɛfoɛ bɔ né bɛwɔ asue Yufreti noa wɔ Kakemise, bɔ Babilɔn hene Nebukadenesa lili bɛ so ngonim ne anwo. Ɛhe sili wɔ Yuda hene Yehoakim bɔ ye baba ole Yosia ne, ye ahennie afoɛ bɔ ɔtɔ so nna ne anu. (Na edwirɛ ne ɛhe):

Hesekiel 39:29

Mengɔfa me nyunu mengɔfea Yisrael awuro ama ko, ofikyɛ mahwie me Sunzum magua bɛ so, AWURADE Nyameɛ noa dwirɛ ɛne.”

Amose 9:15

Ngolua bɛ wɔ b’aseɛ so, na bɛ bo ngotutu ko le ngofi b’aseɛ bɔ mafa mama bɛ ne aso,” AWURADE wɔ Nyameɛ noa dwirɛ ɛne.

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 14:11

Mmenia kɔtenatena Yerusalem nu, ofikyɛ ɔngɔbɔ ko, na kuro ne kɔtena berɛ anwotɔ nu.

Sakaria 9:7

Ngɔye ye naen mogya mogya ne ngofi ye noa nu, ɔne ye nikyee bɔ ɔte akyiwadeɛ ne ngofi ye gye nemɔ b’afia. Na mmenia bɔ bɛkɔha ne, bɛkɔyɛ yɛ Nyameɛ ye deɛ, bɛkɔyɛ kyɛ Yuda nu mbanyi nemɔ bie, na Ekron kɔyɛ kyɛ Yebusifoɛ.

Asomafoɛ 7:34

Manwu amaneɛ bɔ me mmenia nwu ye wɔ Misraim. Mate b’esuɛ koso, na madwu mawa ase kyɛ mebaaye bɛ mefi ngoaasolɛ nu. Yiti bra ma nzoma wɔ ma ɛhɔ Misraim.’

Nyekyire 20:9

Bɛfo bɛhɔle aseɛ so nekaa biala, na bɛpɛle anwoteefoɛ asikyeleɛ ne nwo beyiale, ɔne kuro bɔ Nyameɛ kuro ye dwirɛ ne. Na see [fili Nyameɛ berɛ] wɔ nyameɛso wale ase ɔɔyerale bɛ.