Sakaria 9:7 - AHYERƐLƐ KRONGRON

⁷ Ngɔye ye naen mogya mogya ne ngofi ye noa nu, ɔne ye nikyee bɔ ɔte akyiwadeɛ ne ngofi ye gye nemɔ b’afia. Na mmenia bɔ bɛkɔha ne, bɛkɔyɛ yɛ Nyameɛ ye deɛ, bɛkɔyɛ kyɛ Yuda nu mbanyi nemɔ bie, na Ekron kɔyɛ kyɛ Yebusifoɛ.

Sakaria 9:7 Iomraidhean Croise

1 Aberɛso Dwirɛ 1:14

na Kanaan boso ama ole Yebusifoɛ, Amorifoɛ, Gɛgasifoɛ,

1 Aberɛso Dwirɛ 21:15

Na Nyameɛ somane abɔfo maa ɔhɔle Yerusalem kyɛ ɔɔbɔ kuro ne. Na mmerɛ bɔ abɔfo ne yɛle kyɛ ɔbɔ kuro ne nen, AWURADE neane, na ɔsesane ye adwene wɔ kuro ne bɔlɛ ne anwo, na osele abɔfo bɔ ogu so ɔbɔ kuro ne kyɛ, “Wayɛ yé! Yakyi.” Sɔ mmerɛ ne, né AWURADE abɔfo ne ogyi Yebusiniɛ Ɔnan ye nekaa bɔ bɛboro aburoo ne.

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 58:6

Ao Nyameɛ, bubu bɛ gye bɔ ogua bɛ noa nu ɔ, ao AWURADE, tutu gyata akrɔngrɔma nemɔ bɛ gye!

Yesaya 65:4

bɔ bɛtenatena asieleɛ mɔ nu, bɛtenatena mvealeɛ nu nekaa bie kɔngɔen, bɔ bedi prako naen, bɔ akyiwadeɛ turoo wɔ bɛ turonzemaa nu;

Yeremia 48:47

Nakoso ngyẽa bɔ oli nziɛ ne, ngɔfa Moabo ngofi nnurehyelɛ nu ngosa ngɔwa, AWURADE noa dwirɛ ɛne.” Moabo ndɛenbualɛ ne, ye ayieleɛ ɛne.

Yeremia 49:39

Nakoso ngyẽa bɔ oli nziɛ ne anu, ngosa ngɔfa Elam ngofi nnurehyelɛ nu ngɔwa, AWURADE noa dwirɛ ɛne.

Yeremia 49:6

Na ye si ye, ngosa ngɔfa Amonfoɛ ngofi nnurehyelɛ nu ngɔwa, AWURADE noa dwirɛ ɛne.”

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Sakaria 9:6

Mmenia firaman firaman yeɛ bɛkɔtena Asedɔde ɔ, na ngotu Filistia b’anwomasoɛ ne abo.

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.