Sakaria 9:4 - AHYERƐLƐ KRONGRON

⁴ Tie, AWURADE kole ye anwodeɛ ne kofi ye sa nu, ɔkɔsɛkye ye tumi ne wɔ ɛpo nu, na see yeɛ ɔkɔyera ye motoo ɔ.

Sakaria 9:4 Iomraidhean Croise

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Yesaya 23:11

Watengyɛ ye sa wahyire ɛpo so, wapusu ahennie mɔ, na AWURADE ahyɛ mmeraa wafa Kanaan nwo, kyɛ bɛsɛkye ye anwoserɛ afealeɛ nemɔ.

Hesekiel 26:17

Na bɛkɔbɔ wɔ nwo awuye bekose wɔ kyɛ, ‘O kuro piri bɔ ale dumaa ɔ, bɔ mmenia bɔ bɛkɔ ɛpo ɔ bɛɛtenane wɔ so ɔ, kuro bɔ né wɔ nwo yɛ se wɔ ɛpo so ɔ, ɛne wɔ nu ama, ɛmɔmane ɛmɔ nwo suronyi tɔle mmenia mukoraa bɔ bɛte berɛ ɔ so.

Hesekiel 28:16

Ngɔsoɛ wale wɔ dwaalilɛ ne anu maa ɔnate so basabasayɔlɛ yili wɔ nu tɛkyɛ, na ɛyɔle bɔne; yiti ɛkakyili nikyee bɔ ye nwo agua fiɛ ɔ, maa ɔnate so mvindini wɔ mvili Nyameɛ bokaa ne aso. Wɔ, kɛrubo bɔ ɛkataso ɔ, ngɔsɛkye wɔ pasapasa ngofi see nyɔboɛ nemɔ b’afia.

Hesekiel 28:18

Ɛnate w’amumuyɛɛ worawora ne wɔ dwaalilɛ fiɛ ne aso agua wɔ nekaa krongron nemɔ nwo fiɛ; yiti mama see asɔ wɔ wɔ nu, na wayera wɔ, na mamaa atɔ nzoen wɔ aseɛ so, bɔ bɛ bɔ benwuni wɔ amukoraa bɛ nye tua ɔ.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:8

Bekofindi wɔ bɛkɔto ɛborɔ kumaa nu, na ekowu mmenia bɔ batotɔ ɔ b’ewue, wɔ ɛpo afia.

Yoel 3:8

Ngɔtɔne ɛmɔ mma mmienzua ne ɛmɔ mma mmrasua nemɔ ngɔfa bɛ ngowura Yudafoɛ sa, na bɛ koso bɛkɔtɔne bɛ bɛkɔma Sabeafoɛ bɔ bɛte maen bɔ bɛwɔ dedeede ne, ofikyɛ edwirɛ bɔ AWURADE ahã hɔ ɛne.”

Amose 1:10

Na ngɔto Tiro fasue nu see maa ɔkɔyera ye anwoserɛ afealeɛ nemɔ.”

Sakaria 9:5

Asekelɔn konwu ye, na ɛserɛ kɔhã ye, Gasa koso sɔ ala, na ahunundetelɛ kɔtɔ ye so, yeɛ Ekron, ofikyɛ ye anyelasoɛ kɔyɛ basaa. Ɛhene ne kowu kofi Gasa, na Asekelɔn kɔkakyi kurofoen.