Sakaria 9:3 - AHYERƐLƐ KRONGRON

³ Tiro sili anwoserɛ afealeɛ fale, ɔboaboale ɛdwetɛ noa kyɛ mvuture, ɔne sikaa kɔkorɛ paa noa kyɛ mmorɔnoɛ so nnɛterɛ.

Sakaria 9:3 Iomraidhean Croise

2 Samuel 24:7

Afei beedwuli Tiro anwoserɛ afealeɛ ne anwo berɛ, ɔne Hiwifoɛ ne Kanaanfoɛ nguro ne amukoraa so, na beyiele mmeniahalɛ ne wɔ Beɛ Hyeba bɔ ɔwɔ Yuda ngwaen dɔ ne.

1 Ahemvo 10:21

Nana Solomon kulie bɔ ɔno nu amukoraa, bɛfale esikaa kɔkorɛ yeɛ bɛyɔle ɔ. Na sua bɔ bɛfrɛ ye Lebanon Ɛhɔayeɛ ne anu nningyein amukoraa, bɛfale esikaa kɔkorɛ paa yeɛ bɛyɔle ɔ. Nu ko po nne berɛ bɔ bɛfale ɛdwetɛ yeɛ bɛyɔle ɔ, ofikyɛ Solomon aberɛ so, né bemmu ɛdwetɛ nikyee titire biala.

1 Ahemvo 10:27

Nana Solomon mane ɛdwetɛ buli wɔ Yerusalem kyɛ nyɔboɛ, yeɛ ɔmane sida koso buli kyɛ aseɛ frɛtɛɛ so akyea.

YOB NWOMAA NE 22:24

sɛ ebu sikaa kɔkorɛ kyɛ mvuture a, ɔne Ofire sikaa kɔkorɛ kyɛ asue nu nyɔboseka,

YOB NWOMAA NE 27:16

Ɔboaboa ɛdwetɛ noa kyɛ mvuture, yeɛ ɔsoa ɛtena bɔ so kyɛ nnɛterɛ;

YOB NWOMAA NE 3:15

anaakyɛ me ne atitirefoɛ bɔ bɛ sa nu le bie ɔ, bɛ bɔ bɛfa ɛdwetɛ beyi b’awuro tɛkyɛ ɔ.

Yesaya 23:11

Watengyɛ ye sa wahyire ɛpo so, wapusu ahennie mɔ, na AWURADE ahyɛ mmeraa wafa Kanaan nwo, kyɛ bɛsɛkye ye anwoserɛ afealeɛ nemɔ.

Yesaya 23:8

Tiro bɔ osi ɛhene mɔ, bɔ ye dwadifoɛ te nnehyeɛ, bɔ ye dwadifoɛ te mmeni titire wɔ wiase ɔ, nwa yeɛ ɔyɔle sɔ nhyehyɛleɛ ne tiale wɔ ye?

Hesekiel 26:12

Bɛkɔfa w’anwonyadeɛ bɛkɔyɛ koɛ nu nzesadeɛ, ná bafẽ wɔ dwaa nningyein bafa. Bekobubu wɔ fasue nemɔ bekogua, ná basɛkye wɔ sua nyemenenyemene nemɔ. Na bekofindi wɔ nyɔboɛ mɔ ne wɔ mmakaa ne wɔ nnɛterɛ bekogua nzue ne anu.

Hesekiel 27:27

W’anwonya, wɔ dwaa nningyein, wɔ nningyein bɔ ɛyɛ ye atɔen ɔ, wɔ ɛlɛenhanɛfoɛ, bɛ bɔ bɛla wɔ ɛlɛenhanɛfoɛ nemɔ noa bekyire b’atee ɔ, wɔ mmenia bɔ betuatua ɛlɛen ne abo ndokuro nemɔ, bɛ bɔ ɛne bɛ di dwaa, yeɛ wɔ koɛhonɛfoɛ bɔ bɛwɔ wɔ nu ɔ, bɛ ne wɔ ɛlɔen amukoraa bɔ bɛwɔ wɔ nu ɔ, bɛkɔmono wɔ ɛpo n’afia dɔ, wɔ w’amaneɛnwunɛ kyẽa ne.

Hesekiel 27:33

Mmerɛ bɔ né wɔ dwaa nningyein fi ɛpo so ba ne, ɛfa mane maen maen pee maa benyane bɔ bɛpena ɔ; na w’anwonya ne wɔ dwaa nningyein worawora ne, ɛfa mane aseɛ so ahemvo maa benyane bɛ nwo.

Hesekiel 27:34

Na afei de, ɛpo ne abubu wɔ wɔ ɛpo buma ne anu, na wɔ dwaa nningyein ne wɔ nu mmenia amukoraa, bɛ ne wɔ amono bahɔ nzue ne abo.

Hesekiel 28:1

Yeɛ AWURADE lale ye dwirɛ ali bieku hyirele me kyɛ,

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Yosua 19:29

Ɛwɛen ne nate Rama alaa kodwu kuro Tiro bɔ bato ye nwo fasue ne. Afei ɔkondo kɔ Hosa, na ye noa kɔpem ɛpo ne. Nguro hemɔ boka so: Mahalabo, Akisibo,