Sakaria 9:17 - AHYERƐLƐ KRONGRON

¹⁷ Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Sakaria 9:17 Iomraidhean Croise

Edwein 144:12

Ahaa né yɛ mma mmienzua mɔ bɛ mmerandeɛ nu wayɛ kyɛ mmakaa bɔ bahye ɔ, ná yɛ mma mmrasua mɔ koso bayɛ kyɛ ndweasoɛ bonima, bɔ bapakye ye kyɛ bɛfa besi ahemvie ɔ.

Edwein 145:7

Wɔ paayɛlɛ piri nwo ngayeɛ ne, bɛkɔbɔ ye nwo dawure, na bɛkɔto wɔ tenenee nwo dwein.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Edwein 90:17

Mesrɛ kyɛ AWURADE yɛ Nyameɛ adom ne ɔbra yɛ so, ma yɛ sa noa adwuma ɔ́yɛ yee ɔ́ma yɛ. Ao, ma yɛ sa noa nnwumaa ɔ́yɛ yee!

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Edwein Nu Dwein 5:10

Me kurofoɛ ne, ɔte toburoo, na ɔgyegye, ɔda nzorɛ wɔ mmienzua apee buru nu.

Edwein Nu Dwein 7:9

na wɔ noa nwo felɛ te kyɛ bobe nzaa paa bɔ ɔfa bɛ komvi yɔɔ, bɔ ɔnate bɛ noa ne bɛ gye so yɔɔ ɔ.

Yesaya 33:17

Wɔ nye konwu ɛhene ne wɔ ye anwonyemene nu, anyeɛ ne konwu aseɛ bɔ ɔtrɛ kɔ dedeede ɔ.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 31:14

Ngɔfa aleɛ fɛɛ ngɔma asɔfo nemɔ bɛ kra ko koyi, na me maen konya me nningyein paa kɔma bɛ ko koyi, AWURADE noa dwirɛ ɛne.”

Yoel 2:26

Na ɛmɔkodidi paa kɔma ɛmɔ ko koyi, ná ɛmɔaye AWURADE ɛmɔ Nyameɛ dumaa ayɛ, ofikyɛ wayɔ anwanwadeɛ wama ɛmɔ, na me maen nyunu ngogua ase le ko.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.

Romanfoɛ 5:8

Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ.