Sakaria 9:15 - AHYERƐLƐ KRONGRON

¹⁵ Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Sakaria 9:15 Iomraidhean Croise

YOB NWOMAA NE 41:28

Agyaen ngora mma ɔnwati, yeɛ obu taya nyɔboɛ kyɛ afafu.

Edwein 78:65

Yeɛ AWURADE dwɔsole kyɛ sona bɔ ofi nnaa nu ɔ, kyɛ anwoserɛniɛ bɔ nzaa maa ɔteatea nu ɔ.

Ɛksadɔso 27:2

Yɔ mmɛen fa tuatua ye ndweaso nna ne aso. Maa ɔne ye mmɛen nemɔ béfi sɔ bakaa kundunzii komapɛ ne ala nu, ná fa kɔɔbere boro ye nwo.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Edwein Nu Dwein 7:9

na wɔ noa nwo felɛ te kyɛ bobe nzaa paa bɔ ɔfa bɛ komvi yɔɔ, bɔ ɔnate bɛ noa ne bɛ gye so yɔɔ ɔ.

Yesaya 37:35

Ofikyɛ ngɔbɔ kuro he anwo waen ngɔpepɛ ngole ye, ɔnate me bɔbɔ me ti, ɔne me somvoɛ Dawide ti.”

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Lewitikɔso 4:18

Afɔleɛ bokyea mmɛen mɔ bɔ bɛwɔ AWURADE nyunu wɔ ɛtena sua atenaleɛ nu berɛ ne, odi kyɛ ɔfa mogya ne bie ogua so. Na naen yeralɛ afɔleɛ bokyea ne bɔ ɔwɔ ɛtena sua atenaleɛ nu berɛ ne de, odi kyɛ ohwie mogya ne ngaa ne gua ye bo.

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:7

Ɛyɛɛ fona afɔleɛ bokyea mmɛen mɔ bɔ bɛwɔ ɛtena sua atenaleɛ nu berɛ ne, odi kyɛ ɔsɔfo ne fa mogya ne bie oguagua so wɔ AWURADE nyunu. Na naen yeralɛ afɔleɛ bokyea bɔ ɔwɔ ɛtena sua atenaleɛ anoa nu berɛ ne, odi kyɛ ohwie nandwie mogya ne ngaa ne ogua ye bo.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Sakaria 10:7

Efraim kɔyɛ kyɛ katakyie, na bɛ ti anu kɔyɛ bɛ fɛfɛɛfɛ kyɛ bano nzaa ɔ. Amba, bɛ mma konwu ye, na bekoli ahurusi, na bɛ ti anu kɔyɛ bɛ fɛfɛɛfɛ wɔ AWURADE nu.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Sakaria 14:20

Sɔ kyẽa ne, adɔma mɔ bɔ bɛlela mbɔngɔ kɔme ne, bɛkɔhyerɛ so kyɛ, “ƆTE KRONGRON MA AWURADE.” Na AWURADE awuro berɛ ngukue nemɔ bɛkɔyɛ kyɛ afɔleɛ bokyea ne anyunu berɛ ndalie nemɔ.

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 2:9

“Tie, ngɔtengyɛ me sa ngɔhɔ bɛ so, na bɛ koso bɛkɔyɛ koɛ nu nzesadeɛ bɛkɔma bɛ ngoaa mɔ, na afei ɛmɔkonwu kyɛ Asafo AWURADE yeɛ wasoma me ɔ.

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

1 Samuel 17:45

Nakoso Dawide buale Filistiniɛ ne kyɛ, “Wɔ de, ngrandɛ ne pealɛɛ ne buralɛ tendenn tworɔntworɔn yeɛ ɛ́fa ba me so ɔ; nakoso me de, Asafo AWURADE, Yisrael koɛhonɛfoɛ Nyameɛ bɔ apɛ ye poa ne, ye dumaa nu yeɛ méba wɔ so ɔ.