Sakaria 9:12 - AHYERƐLƐ KRONGRON

¹² O, ɛmɔ, kukunufoɛ bɔ ɛmɔanya anyelasoɛ ɔ, ɛ́mɔsa bɛbra anwoserɛ afealeɛ ne anu; na ɛnɛ kyẽa ye, mefa meto dwaa kyɛ, ngɔfa ye mmɔhoɛ nyɔ ngosi wɔ gya nu.

Sakaria 9:12 Iomraidhean Croise

YOB NWOMAA NE 42:10

Yob bɔle mbaeɛ mane ye damvo nemɔ yiele nen, AWURADE maa osa sili ye gya nu bieku. Bɔ né Yob ole ye daa ne amukoraa, AWURADE fale ye mmɔhoɛ nyɔ mane ye.

Yesaya 24:22

Ɔkɔboaboa bɛ mukoraa noa kyɛbɔ bɛboaboa kukunufoɛ noa wɔ kumaa nu ɔ, ɔkɔto bɛ nu wɔ kuku nu, na ngyẽa pee asi ne, ɔkɔhwe bɛ so.

Yesaya 38:18

Ɔnate kyɛ ɛborɔ ngɔhora ngɔla wɔ ase, ewue ngɔhora ngɔye wɔ ayɛ, bɛ bɔ bahɔ ewue kumaa nu ne, bɛngɔhora bengonya wɔ nahorɛlilɛ ne nwo anyelasoɛ.

Yesaya 40:2

Kã aworakyekyerɛ dwirɛ kyire Yerusalem, ná bɔ ye dawure kyire ye, kyɛ ye ngoaasolɛ mmerɛ ne wawa ayieleɛ, kyɛ mafa ye amumuyɛɛ ne mahyɛ ye; ofikyɛ ye bɔne ne, wanya ye mukoraa nwo akatuaa mmɔhoɛ nyɔ wafi AWURADE berɛ.”

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 52:2

O Yerusalem bɔ bahye wɔ nnure ɔ, dwɔso poroporo wɔ nwo mvuture ne! O Sion awa brasua bɔ bahye wɔ nnure ɔ, nyangye ngɔnzɔngɔnzɔ bɔ bafa bagua wɔ kɔme ne!

Yesaya 61:7

Bɔ ɛmɔkonya ye bekosi ɛmɔ animguaseɛ ne gya nu ne, ɔkɔyɛ mmɔhoɛ nyɔ, ɛmɔ nyanzoen ne, ɛmɔkoli ahurusi bekosi ye gya nu, yiti ɛmɔkonya ye mmɔhoɛ mmɔhoɛ wɔ ɛmɔ aseɛ ne aso, na ɛmɔkonya anika bɔ olle ayieleɛ ɔ.

Yeremia 14:8

Ao Yisrael anyelasoɛ, ye Defoɛ wɔ amaneɛnwunɛ mmerɛ nu, nzu ati yeɛ ɛyɛ wɔ nwo kyɛ ɛwɔfoɛ wɔ aseɛ ye aso ɔ, kyɛ akwanduniɛ bɔ aleɛ asa bɔ ɔpena nekaa osikye ɔ?

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Yeremia 31:17

Anyelasoɛ wɔ berɛ ma wɔ kyẽa bie, AWURADE noa dwirɛ ɛne. Na wɔ mma koso, bekosa bɛkɔwa bɛ bɔbɔ b’aseɛ so.

Yeremia 31:6

Ofikyɛ kyẽa bie kɔwa bɔ awɛmvoɛ mɔ bɛkɔtea nu wɔ Efraim mmokaa aseɛ so kyɛ, ‘Ɛ́mɔdwɔso oo! Ɛ́mɔma yɛfo yɛhɔ Sion, yɛhɔ AWURADE yɛ Nyameɛ berɛ.’ ”

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 51:10

AWURADE ala yɛ tenenee ali, ɛmɔbra maa yɛbɔ AWURADE yɛ Nyameɛ nnwumaa nwo dawure wɔ Sion.

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Mika 4:8

Na wɔ, mmoaen kure abandenden, Sion awa brasua anwoserɛ afealeɛ, wɔ berɛ yeɛ tumililɛ bɔ oli moa ne kɔwa ɔ; ahennie ne kɔwa Yerusalem awa brasua berɛ.

Nahum 1:7

AWURADE te paa, ɔte amaneɛnwunɛ mmerɛ nu anwoserɛ afealeɛ, na ɔse bɛ bɔ bɛfa bɛ wora bewura ye nu ɔ.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.