Sakaria 9:11 - AHYERƐLƐ KRONGRON

¹¹ Na wɔ koso, ɔnate w’apam mogya ne ati, wɔ mmenia bɔ begua kuku nu ne, ngɔye bɛ ngofi kumaa bɔ nzue nne nu ne anu.

Sakaria 9:11 Iomraidhean Croise

2 Samuel 13:13

Me de, m’animguaseɛ ne, nisua yeɛ mefa mefa ɔ? Wɔ de, busuefoɛ mmenia bɔ bɛwɔ Yisrael ne, ɛkɔyɛ kyɛ bɛ nu ko. Yiti mesrɛ wɔ ala, fa to Nana nyunu, na ɔkɔfa me kɔma wɔ.”

2 Aberɛso Dwirɛ 7:17

Na wɔ de, sɛ edi me dwirɛ so kyɛbɔ wɔ baba Dawide lili so ne, ná ɛyɔ kyɛbɔ mahyɛ wɔ ne amukoraa, na edi m’ahyɛdeɛ ne me nhyehyɛleɛ so a,

YOB NWOMAA NE 33:30

kyɛ ɔfa de ye kra fi ɛborɔ kumaa nu, amaa ɔnate so ngoa kanea ata ye so.

Edwein 30:3

Ao AWURADE, aye me kra afi ɛborɔ kumaa nu, na amaa mafi ɛborɔ kumaa nu masa mawa ngoa nu.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 69:33

Ofikyɛ AWURADE tie ehiafoɛ sufrɛ, ná ye mmenia bɔ bɛwɔ amaneɛ nu ne, ommu bɛ animtia.

Ɛksadɔso 24:8

Afei ɔfale mogya ne petene mmenia ne anwo, na ɔhane kyɛ, “Apam bɔ AWURADE nate edwirɛ he amukoraa so ɔne ɛmɔ bayɛ ne, mogya he yeɛ osi ye agyinayɛɛ ɔ.”

Yesaya 24:22

Ɔkɔboaboa bɛ mukoraa noa kyɛbɔ bɛboaboa kukunufoɛ noa wɔ kumaa nu ɔ, ɔkɔto bɛ nu wɔ kuku nu, na ngyẽa pee asi ne, ɔkɔhwe bɛ so.

Yesaya 42:22

Nakoso bɛte maen bɔ ebiemɔ bali bɛ aminɛ bafẽ bɛ nningyein bafa ɔ, bahã bɛ mukoraa bapua wɔ bɔen mɔ nu, bafa bɛ baafea kuku nu, baha ngaen nu bɔ defoɛ biala nne berɛ ɔ, bakakyi koɛ nu nzesadeɛ bɔ ebiala nne berɛ bɔ ɔkɔhã kyɛ, “Ɛ́mɔsa bɛfa bɛ bɛhɔ!”

Yesaya 42:7

kyɛ, ɛ́tete anyeɛ mɔ bɔ basi ɔ, kyɛ ɛ́ye kukunufoɛ efi kuku nu, ɔne kyɛ ɛ́ye bɛ bɔ bɛte awosii nu ɔ efi kuku nu.

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 51:14

Sona bɔ babɔ ye panwu ne, bɛkɔye ye bekofi nu ndɛndɛ; ongowu wɔ ɛborɔ kumaa nu, yeɛ ye noa aleɛ ngɔbɔ ye.

Yesaya 58:12

Wɔ nu ama kosa kɔkyekye wɔ kurofoen nemɔ, aworɛ ndoatoasoɛ daa daa nemɔ, ekosa kosi bɛ fapem nemɔ; na bɛkɔfrɛ wɔ: Bɔ osa si fasue bɔ wabubu ɔ, bɔ osiesie mmorɔnoɛ ma mmenia bɛtena so ɔ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yeremia 38:6

Yiti bɛhyele Yeremia, na beegyili ye bɛtole Nana awa Malkiya ye abura bɔ ɔwɔ kuku nu aluo berɛ ne anu. Bɛfale nyamaa yeɛ bedwurale Yeremia bɛtole nu ɔ. Né nzue nne abura ne anu, na mmom asaa ngome, na Yeremia mene wɔ asaa ne anu.

Daniel 2:29

Nana, mmerɛ bɔ né ɛla wɔ bɛen so ne, bɔ kyẽa bie okosi ɔ nwo adwene wale wɔ ti anu, na bɔ ɔda mvealeɛ nu dwirɛ ali ne yeɛ waye bɔ ɔbaasi ɔ wahyire wɔ ɔ.

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Luka 22:20

Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

1 Korintofoɛ 11:25

Sɔ ala yeɛ bedidi beyiele nen, ɔfale kulie ne, na ɔhane kyɛ, “Kulie he te apam foforɛ me mogya nu; mmerɛ biala bɔ ɛmɔkɔno ne, ɛ́mɔyɔ he bɛ́fa bɛ́kaye me.”

Deuteronomi 5:31

Nakoso wɔ de, gyina me nwo wa, na ngɔhã mmeraa dwirɛ ne ahyɛdeɛ ne nhyehyɛleɛ mukoraa bɔ ɛkɔfa kohyirehyire bɛ ɔ ngohyire wɔ, amaa ɔnate so bali so wɔ aseɛ bɔ méfa memaa ɔyɛ bɛ deɛ ne aso.’

Hebrifoɛ 10:2

Na sɛ afɔleɛ ne te mmenia bɔ bɛsɔne Nyameɛ nwo pɛnko de a, ahaa bɛ tiboa mmua bɛ foɛ ko kyɛ bedi bɔne nwo fɔ; afei koso ahaa afɔleɛbɔlɛ ne amukoraa bo apɛ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.