Sakaria 9:10 - AHYERƐLƐ KRONGRON

¹⁰ Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Sakaria 9:10 Iomraidhean Croise

1 Ahemvo 4:21

Né Solomon di hene wɔ ahennie amukoraa so, fi asue Yufreti kɔka Filistifoɛ aseɛ noa, maa ɔkɔ alaa kodwu Misraim wɛen so. Betuale toɔ bɛmane Solomon, na bɛsole ye mmerɛ bɔ ɔte ase amukoraa.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 72:3

Ma mmokaa nemɔ bɛfa asomdwee bɛbrɛ wɔ maen, ná ma pambaa nemɔ koso bɛfa tenenee bɛbra.

Edwein 85:8

Nyameɛ bɔ ɔte AWURADE ne, ngotie bɔ ɔkɔhã ɔ, ofikyɛ ɔkɔhã asomdwee dwirɛ kohyire ye maen ne ye anwoteefoɛ, nakoso onni kyɛ besa bekodi ngwaseasɛm.

Edwein 89:26

Okose me kyɛ, ‘Wɔ yeɛ ɛte me baba, me Nyameɛ ne me ngoalelɛ Nyɔbotaen ɔ!

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 2:4

Okoli maen maen mɔ so, okosiesie mmenia pee b’afia, bɛkɔboro bɛ ngrandɛ bɛkɔfa bɛkɔbɔ kona, ná baboro bɛ pealɛɛ bafa babɔ asɔsɔaa. Maen bie ngɔhwe obiɛngo maen so ngrandɛ, na bengosua koɛhonɛ ko.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Hosea 2:18

Na sɔ kyẽa ne, ngɔyɛ apam ngɔma bɛ, me ne eburo ngaka, ewienu nnomaa, yeɛ ngaka bɔ bɛtwe bɛ nwo ase ɔ. Ngobubu agyaen, ngrandɛ ne koɛhonɛ nu ngofi aseɛ ye aso, na ngɔmaa bɛkɔlela berɛ asomdwee nu.

Hosea 2:20

Ngɔbɔ wɔ asiwa ngɔma me nwo wɔ nahorɛlilɛ nu, na ekonwu AWURADE.

Mika 4:8

Na wɔ, mmoaen kure abandenden, Sion awa brasua anwoserɛ afealeɛ, wɔ berɛ yeɛ tumililɛ bɔ oli moa ne kɔwa ɔ; ahennie ne kɔwa Yerusalem awa brasua berɛ.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Mika 5:9

Ɛkɔma wɔ sa so kotia bɛ bɔ bekyi wɔ ɔ, na wɔ pɔfoɛ mɔ amukoraa bɛ boso konua.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

2 Korintofoɛ 5:18

Nyameɛ yeɛ wayɔ ɛhe amukoraa ɔ. Ɔnate Yesu Kristo so wafa yɛ wabata ye nwo, na wafa ngabonu he nwo dwumadie wawura yɛ sa:

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Deuteronomi 11:24

Nekaa biala bɔ ɛmɔ gya kotia ne, ɔkɔyɛ ɛmɔ deɛ: ɛmɔ aseɛ kɔtrɛ kofi ɛserɛ so kɔɔhã Lebanon, fite asue Yufreti kɔɔhã eyia atɔleɛ ɛpo ne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”