Sakaria 9:1 - AHYERƐLƐ KRONGRON

¹ AWURADE dwirɛ ne ɔko tia Hadrake aseɛ, na ɔkɔho kotia Damasko koso. Na adasa mmaa bɛ nye kɔkakyi kɔwa AWURADE berɛ, kyɛbɔ Yisrael mmusua kure amukoraa bɛ nye kɔkakyi kɔwa ye berɛ ne.

Sakaria 9:1 Iomraidhean Croise

Gyenesise 14:15

Abram hyɛle ye mmenia ne anu kure kure kɔngɔen maa bɛhɔle ye pɔfoɛ nemɔ so. Ɔbole bɛ, na ɔfoane bɛ toonn oodwuli Hoba bɔ ɔwɔ Damasko sorɔ ne.

2 Aberɛso Dwirɛ 20:12

Ao yɛ Nyameɛ, aso engotua bɛ so kerɛ? Ofikyɛ ɛlɔen piri ye bɔ bɛbaafa koɛ bɛtoa yɛ ye, yɛngɔhora bɛ nyunu gyina. Yɛnnwu bɔ yɛyɔ ɔ, yiti wɔ yeɛ yɛ nye la wɔ so ɔ.”

Edwein 145:15

Mmenia amukoraa bɛ nye la wɔ so, na ɛma bɛ bɛ noa aleɛ mmerɛ bɔ ɔsɛ ɔ nu.

Edwein 25:15

Me nye la AWURADE so afebɔɔ, ofikyɛ ɔkɔye me gya kofi ngaen nu.

Yesaya 13:1

Babilɔn nwo nyekyire bɔ Amoso awa Yesaya nyane ye ne, ye ɛhe:

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Nahum 1:1

Nyekyire bɔ ɔfa Ninewe nwo ɛhe. Elkoseniɛ Nahum ye nyekyire nwomaa ne ɛhe.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”

Malaki 1:1

AWURADE noa dwirɛ bɔ ɔnate Malaki so ɔfa brɛle Yisrael ne, ye ɛhe.