Sakaria 8:7 - AHYERƐLƐ KRONGRON

⁷ Asafo AWURADE nwa nyoo: Tie, ngɔpepɛ ngole me maen ngofi eyia afiteleɛ maen ne sa nu, ɔne eyia atɔleɛ maen ne sa nu;

Sakaria 8:7 Iomraidhean Croise

Nehemia 1:9

nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Edwein 113:3

Ofi eyia ye fitelɛ kodwu ye tɔlɛ, odi kyɛ bɛye AWURADE dumaa ayɛ.

Edwein 147:2

AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Yesaya 49:12

Tie, ɛhemɔ kofi nziɛ nziɛ yeɛ bɛkɔwa ɔ, tie, ɛhemɔ kofi sorɔ ne eyia atɔleɛ, yeɛ ɛhemɔ kofi Sinim aseɛ so bɛkɔwa.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yeremia 31:8

Tie, ngɔɔfa bɛ ngofi sorɔ dɔ aseɛ ne aso, ná maboaboa bɛ noa mafi aseɛ noa dɔ paa bɔ ɛhemɔ boka so ɔ: anyesiniwaafoɛ ne bubuafoɛ, mmrataen ne pemvoɛ mɔ, na bɛte fekue kandinga bɔ bekosa bɛkɔwa wa ɔ.

Hesekiel 11:17

Yiti kã kyɛ, ‘AWURADE Nyameɛ nwa nyoo: Mebaaboaboa ɛmɔ noa mefi maen maen nemɔ anu, ná meboaboa ɛmɔ noa mefi aseɛ mɔ bɔ mato ɛmɔ mapete so ne aso, na ngɔfa Yisrael aseɛ ne ngɔma ɛmɔ.’

Hesekiel 36:33

“AWURADE Nyameɛ nwa nyoo: Kyẽa bɔ ngɔte ɛmɔ nwo ngofi ɛmɔ amumuyɛɛ amukoraa nwo ne, ngɔmaa ɛmɔkɔtenatena nguro nemɔ aso, na ɛmɔkosa bɛkɔkyekye kurofoen nemɔ.

Sakaria 10:6

“Ngɔma Yuda awuro ama b’ahone kɔyɛ se, na ngɔpepɛ ngole Yosef awuro ama. Ngosa ngɔfa bɛ ngɔwa ngɔɔbɔ bɛ atenaseɛ, ofikyɛ manwu bɛ anwumvoin, ngɔyɛ bɛ kyɛ nna bɛ yeɛ mbole bɛ ne, ofikyɛ me ole AWURADE bɛ Nyameɛ, na ngotie bɛ sufrɛ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Deuteronomi 30:3

ye de AWURADE wɔ Nyameɛ kɔye wɔ kofi nnurehyelɛ nu, okonwu wɔ anwumvoin, na maen maen bɔ AWURADE wɔ Nyameɛ wamaa abɔ aya wɔ so ne, okosa kɔboaboa wɔ noa kofi ye mukoraati so.