Sakaria 8:6 - AHYERƐLƐ KRONGRON

⁶ Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Sakaria 8:6 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

Edwein 118:23

AWURADE yeɛ wayɔ ɛhe ɔ, na ɔyɛ nwanwa wɔ yɛ nye so.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Luka 1:20

Na tie, anne me dwirɛ bɔ ɔkɔwa nu wɔ ye mmerɛ nu ne anni, yiti ɛkɔtɔ mumu, ɛngɔhora dwudwo maa okodwu kyẽa bɔ ɛhemɔ kɔwa nu ɔ.”

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Luka 18:27

Na Yesu buale kyɛ, “Bɔ sona bue nu ɔngɔhora ngɔyɛ berɛ ne, Nyameɛ bue nu de, ɔkɔhora kɔyɛ berɛ.”