Sakaria 8:22 - AHYERƐLƐ KRONGRON

²² Amba, maen maen pee ne maen maen bɔ bɛ nwo yɛ se ɔ bɛkɔwa bɛkɔɔpena Asafo AWURADE si atee wɔ Yerusalem, na bɛkɔkoto bɛkɔsrɛ wɔ AWURADE nyunu.

Sakaria 8:22 Iomraidhean Croise

Edwein 68:30

Ngaka aboyaa bɔ bɛwɔ nekaa bɔ elemmire wɔ ne, nandwie nyii kure bɔ bafra maen maen nandwie mmaa mɔ nu ne, twi bɛ nyunu. Bɛ bɔ ndɔlelɛ yɛ bɛ fɛ ne, fa bɛ wura wɔ gya bo, bɛ bɔ bɛ nye gye koɛ nwo ne, bɔ bɛ sande.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 25:7

Sɔ bokaa he aso ala yeɛ ɔkɔsɛkye ɛtena bɔ ɔkyekye maen amukoraa bɛ nyunu ne, ɔne ngatanyunu bɔ ɔkata maen mukoraa bɛ so ne.

Yesaya 49:22

AWURADE Nyameɛ nwa nyoo: “Ɛ́mɔtie, mebaama me sa so mekyire maen maen mɔ, ngɔfa me frangaa ngɔpena berɛ ngohyire maen maen mɔ, na bɛkɔfa wɔ mma mmienzua mɔ bɛkɔbɔ bɛ hue so bɛkɔwa, yeɛ wɔ mma mmrasua mɔ koso, bɛkɔfa bɛ bekosie bɛ kɔme anwo bɛkɔwa.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 66:23

Na ɔkɔwa kyɛ, ɛsraen foforɛ biala ne afofikyẽa biala, anwoɔnaen amukoraa kɔwa bɛkɔɔsɔne wɔ me nyunu, AWURADE noa dwirɛ ɛne.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Mika 4:3

Okoli maen maen pee b’afia dwirɛ, na okohwi maen maen anwoserɛfoɛ bɔ bɛwɔ dedeede ɔ bɛ nyunu. Bɛkɔboro bɛ ngrandɛ bɛkɔfa bɛkɔbɔ kona, ná baboro bɛ pealɛɛ bafa babɔ asɔsɔaa. Maen bie ngɔhwe obiɛngo maen so ngrandɛ, yeɛ bengosua koɛhonɛ ko.

Hagae 2:7

ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Sakaria 14:16

Na ɔkɔwa kyɛ, maen maen amukoraa bɔ bɛfale koɛ bɛɛtoale Yerusalem ne, bɛ nu ama bɔ bekonya bɛ ti bekodidi nu ne, afoɛnoa biala bɛkɔɔsɔne Ɛhene Asafo AWURADE, ná bali Asese aluolue ne.

Sakaria 8:21

kuro ko anu ama kɔhɔ kuro ko aso koose kyɛ, ‘Ɛ́mɔma yɛhã yɛ nwo yɛɛkoto yɛsrɛ wɔ AWURADE nyunu, ná yɛpena Asafo AWURADE si atee; me koso ngɔhɔ bie.’

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 21:24

Maen maen kɔnate ye kanea ne anu, na aseɛ so ahemvo bɛkɔfa b’animnyam [ne anidie] bɛkɔwa nu.