Sakaria 8:19 - AHYERƐLƐ KRONGRON

¹⁹ “Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Sakaria 8:19 Iomraidhean Croise

2 Ahemvo 25:1

Sedekia lili hene ne, ye afoɛ ngona ne anu, bosome buru ne anu, ye eleburu ne aso, Babilɔn hene Nebukadenesa fale ye koɛhonɛfoɛ amukoraa ɔɔfale koɛ tetale Yerusalem, na otuale kuro ne. Bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛpɛle kuro berɛ fasue ne anwo beyiale.

2 Ahemvo 25:25

Nakoso bosome nzoo ne anu, Yismael bɔ ɔte dehyeɛ bɔ ye baba ole Netania bɔ ye baba ole Elisama ne, ɔfale mmienzua buru bokale ye nwo so, na beehuni Gedalia ne Yudafoɛ ne Babilɔnfoɛ bɔ né bɛboka ye so wɔ Misepa ne.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Edwein 30:11

Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yeremia 36:6

yiti kɔ AWURADE awuro berɛ akɔngyere kyẽa, na AWURADE dwirɛ bɔ nga maa ɛhyerɛle ne, kenga fi nwomaa bɔ babobɔ ne anu maa maen ne bɛte. Afei koso, kenga ma Yudafoɛ amukoraa bɔ befi bɛ nguro mɔ so bawa ne bɛte.

Yeremia 39:2

Sedekia ahennie afoɛ bɔ ɔtɔ so buru ne ko ne, bosome nna ne anu, ye ɛlɛhona ne aso, bɛbɔle kuro berɛ fasue ne anu tokuro.

Yeremia 52:4

Na ɔwale kyɛ Sedekia ye ahennie afoɛ bɔ ɔtɔ so ngona ne, ye bosome buru ne anu, ye eleburu ne aso, Babilɔn hene Nebukadenesa ne ye koɛhonɛfoɛ amukoraa bɛfale koɛ bɛɛtetale Yerusalem. Betuale kuro ne, na bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛbrale ye nwo beyiale.

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 24:1

Na ɔwale kyɛ, ye afoɛ ngona ne anu, bosome buru ne anu, ye eleburu ne aso, AWURADE lale ye dwirɛ ali hyirele me bieku kyɛ,

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Sakaria 8:16

Ɛhemɔ yeɛ odi kyɛ ɛmɔyɔ ɔ: Odi kyɛ ebiala kã nahorɛ kyire obiɛngo; nekaa bɔ ɛmɔdi dwirɛ ne, odi kyɛ ɛmɔbua ndɛen turoloo bɔ ɔfa asomdwee ba ɔ;

Sakaria 8:18

Yeɛ Asafo AWURADE lale ye dwirɛ ali hyirele me kyɛ,

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.