Sakaria 8:17 - AHYERƐLƐ KRONGRON

¹⁷ nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Sakaria 8:17 Iomraidhean Croise

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 101:3

Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Anyandera 3:29

Nnɛbɔ ebiɛngo anwo porɛ tɛɛ, wɔ aberɛ bɔ ɔne wɔ bɛte ye asomdwee nu ɔ.

Anyandera 6:14

Ye ti anu adwene te tɛ, ɔbɔ nzɛmmɔne porɛ daa, na ɔkekã mmenia ti bobɔ nu.

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Habakuku 1:13

Wɔ nye te krongron paa bɔ yiti ɛngora nnea bɔne, ná ɛngora nnea amumuyɛɛ ɔ. Na nzu ati yeɛ ɛnea nnakannakafoɛ, bɔ ahã wɔ noa ato nu, wɔ mmerɛ bɔ bɔnefoɛ oku sona bɔ ɔtengyɛ tra bɔnefoɛ ne ɔ?

Sakaria 7:10

nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Sakaria 8:18

Yeɛ Asafo AWURADE lale ye dwirɛ ali hyirele me kyɛ,

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 12:35

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ.

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.