Sakaria 8:16 - AHYERƐLƐ KRONGRON

¹⁶ Ɛhemɔ yeɛ odi kyɛ ɛmɔyɔ ɔ: Odi kyɛ ebiala kã nahorɛ kyire obiɛngo; nekaa bɔ ɛmɔdi dwirɛ ne, odi kyɛ ɛmɔbua ndɛen turoloo bɔ ɔfa asomdwee ba ɔ;

Sakaria 8:16 Iomraidhean Croise

Edwein 15:2

Sana bɔ ye bra te sannwuu, bɔ ɔyɔ bɔ ɔtengyɛ, bɔ ofi ye ahone nu ɔkã nahorɛ,

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Anyandera 12:17

Sona bɔ ɔkã nahorɛ ne, ɔda pɛpɛɛpɛyɛlɛ ali, nakoso bɔ odi adanzewia de, ɔpɛ ngondombo.

Anyandera 12:19

Edwirɛ nahorɛ timu berɛ daa, nakoso ngondombo dwirɛ de, ɔngyɛ koraa.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Lewitikɔso 19:11

“Nnɛma ɛmɔwua, yeɛ nnɛma ɛmɔlakalaka bɛ biɛngo; nnɛma ɛmɔpepɛ anoanu bekyirekyire bɛ nwo.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Sefania 3:13

Na mmenia bɔ bɛkɔha wɔ Yisrael ne, bɛngɔyɔ amumuyɛɛ biala, bɛngɔhã ngondombo dwirɛ biala, yeɛ nnakannaka dwirɛ biala ngofi bɛ noa; ofikyɛ bɛ de, bekoodidi ná balela berɛ, bɔ ebiala ngonwunanwuna bɛ ɔ.”

Sakaria 7:9

“Asafo AWURADE nwa nyoo: Ɛ́mɔbua ndɛen turoloo, ná ebiala ɔla anwumvoinnwunɛ ne adɔeɛ ali ohyire obiɛngo;

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Mateo 5:9

“Bɛ bɔ bɛte patafoɛ ne banya saleɛ, ofikyɛ bɛ yeɛ bɛkɔfrɛ bɛ Nyameɛ mma ɔ.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”