Sakaria 8:14 - AHYERƐLƐ KRONGRON

¹⁴ Ofikyɛ Asafo AWURADE nwa nyoo, “Kyɛbɔ nyɛle m’adwene kyɛ me ne ɛmɔ yɛkoli ye weewee, mmerɛ bɔ ɛmɔ nana mɔ huli m’ahone, bɔ manzesã m’adwene ne, Asafo AWURADE noa dwirɛ ɛne,

Sakaria 8:14 Iomraidhean Croise

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Edwein 33:11

Nakoso AWURADE agyinatulɛ de, ogyi berɛ afebɔɔ, na ye ti anu nzusuleɛ wɔ berɛ ma aworɛ ndoatoasoɛ amukoraa.

Yesaya 14:24

Asafo AWURADE ata ndaen kyɛ, “Kyɛbɔ masusu ye nwo ne, sɔ ala yeɛ okosi ɔ, kyɛbɔ mayɛ m’adwene ne, sɔ ala yeɛ ɔkɔwa nu ɔ:

Yeremia 20:16

Sɔ sona ne, maa ɔ́yɛ kyɛ nguro bɔ AWURADE sɛkyele bɛ bɔ wannwu bɛ anwumvoin ne; maa ɔte esuɛ ngyerɛmɔ, ná ɔte awuye eyiagyina,

Yeremia 29:11

Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene ɔ; kyɛ ngɔma ɛmɔkonya ayieleɛ paa ne anyelasoɛ.

Yeremia 31:28

Na ɔkɔwa kyɛ, kyɛbɔ nneane bɛ so kyɛ ngotutu bɛ bo, ngobubu nu, ngodwiri ngogua, ngɔsɛkye, ná mama musue ato bɛ ne, sɔ ala yeɛ ngɔnea bɛ so ngosi ná malua ɔ, AWURADE noa dwirɛ ɛne.

Yeremia 32:42

“Ofikyɛ AWURADE nwa nyoo: Kyɛbɔ maprapra musue kandinga he amukoraa magua maen he aso ne, sɔ ala yeɛ saleɛ amukoraa bɔ mafa mahyɛ bɛ bɔ ne, ngɔmaa ɔkɔwa bɛ so ɔ.

Yeremia 4:28

Ɔnate sɔ ne ati, aseɛ kɔbɔ awuye, na ewienu anwuro anwuro kɔkakyi tunn, ofikyɛ madwudwo, mayɛ m’adwene; mengɔsesã m’adwene, yeɛ mengosa me si.

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Sakaria 1:2

“AWURADE ahone huli paa wɔ ɛmɔ nana mɔ so.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”