Sakaria 8:12 - AHYERƐLƐ KRONGRON

¹² Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Sakaria 8:12 Iomraidhean Croise

Gyenesise 26:12

Na Yisake yɔle eboo wɔ aseɛ ne aso, na sɔ afoɛ ne ala onyane aleɛ mmɔhoɛ ɛyaa. AWURADE yirale ye

Gyenesise 27:28

Nyameɛ ɔ́tɔ nyameɛso bosue ne bie ógua wɔ so, na ɔ́ma wɔ aseɛ so nningyein paa, ɔne aburoo ne bobe nzaa pee.

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Edwein 72:3

Ma mmokaa nemɔ bɛfa asomdwee bɛbrɛ wɔ maen, ná ma pambaa nemɔ koso bɛfa tenenee bɛbra.

Edwein 85:12

Amba, AWURADE kɔfa nningyein paa kɔma, na y’aseɛ kɔhye aleɛ.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 61:7

Bɔ ɛmɔkonya ye bekosi ɛmɔ animguaseɛ ne gya nu ne, ɔkɔyɛ mmɔhoɛ nyɔ, ɛmɔ nyanzoen ne, ɛmɔkoli ahurusi bekosi ye gya nu, yiti ɛmɔkonya ye mmɔhoɛ mmɔhoɛ wɔ ɛmɔ aseɛ ne aso, na ɛmɔkonya anika bɔ olle ayieleɛ ɔ.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Hesekiel 34:28

Bɛngɔyɛ nikyee bɔ maen maen mɔ bɛfẽ bɛfa ɔ ko, yeɛ aseɛ so ngaka ngɔhye bɛ ko, na mmom bɛkɔtena ase asomdwee nu bɔ ebiala ngonwunanwuna bɛ ɔ.

Hesekiel 36:12

Amba, ngɔma mmenia bɔ bɛte me maen Yisrael, bɛkɔnatenate ɛmɔ so; bɛkɔfa wɔ bɛkɔyɛ bɛ deɛ, ɛkɔyɛ b’agyapadeɛ, na ɛngɔma bengoli abawuo ko.

Hesekiel 36:30

Ngɔma mmakaammaa ne fieso aleɛ kobu, amaa ɔnate so ɛhɔen angua ɛmɔ nyunu ase ko wɔ maen maen nemɔ anu.

Hesekiel 36:9

Tie, ngyi ɛmɔ asi, ngɔkakyi me nye ngɔwa ɛmɔ berɛ, bɛkɔsõ ɛmɔ so boo, ná balua ɛmɔ so nningyein.

Hosea 13:3

Yiti bɛkɔyɛ kyɛ ngyerɛmɔ munungum, kyɛ bosue bɔ ɔpɛ nu kɔ ndɛndɛ ɔ, kyɛ afafu bɔ mvrama bɔ ɔpɛ ye nwo ɔ, ɔbɔ ye fi nekaa bɔ bɛboro aburoo ɔ, kyɛ nwosina bɔ otu fa mboma nu kɔ ɔ.

Hosea 14:5

Ngɔyɛ kyɛ bosue ngɔma Yisrael: ɔkɔfefɛ kyɛ sukooko, na okonya ndii kyɛ Lebanon.

Yoel 2:19

Amba, AWURADE buale ye maen sele ye kyɛ, “Ɛ́mɔtie, ngɔbrɛ ɛmɔ aburoo, nzaa ne ngoo, na bɛkɔma ɛmɔ ko koyi; mengɔma ɛmɔngɔyɛ nikyee bɔ bebu ye animtia wɔ maen maen mɔ nu ɔ ko,

Yoel 2:22

Ɛmɔ, eburo ngaka, nnɛma ɛmɔsuro, ofikyɛ ɛserɛ so ngaka aleɛ afefɛ; mmakaa su bɛ mma, borɔdoma ne bobe su biribiraa.

Lewitikɔso 26:3

“Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Sefania 3:13

Na mmenia bɔ bɛkɔha wɔ Yisrael ne, bɛngɔyɔ amumuyɛɛ biala, bɛngɔhã ngondombo dwirɛ biala, yeɛ nnakannaka dwirɛ biala ngofi bɛ noa; ofikyɛ bɛ de, bekoodidi ná balela berɛ, bɔ ebiala ngonwunanwuna bɛ ɔ.”

Hagae 1:10

Ɔnate sɔ ati, nyameɛso mma bosue ngua mma ɛmɔ ko, yeɛ aseɛ koso ngye aleɛ ko.

Hagae 2:18

Yiti odi kyɛ ɛmɔdwene ye nwo bɛnea, ofi ɛnɛ bɔ ɔkɔ ɔ, ofi bosome ngona ne anu ye eleburanyɔ ne nna ne aso, bɔ ɔte kyẽa bɔ bɛtole AWURADE asɔneyɛɛ sua ne fapem ne. Ɛ́mɔdwene ye nwo!

Hagae 2:19

Aso aburoo ne bie waha wɔ pata so? Bobe ne borɔdoma ne akengaa ne olive mmakaa nemɔ, benzu mmaa. Ofi ɛnɛ bɔ ɔkɔ ɔ, ngoyira ɛmɔ.”

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

1 Korintofoɛ 3:21

Yiti nnɛma ebiala fa kuro sona hoahoa ye nwo, ɔnate kyɛ nikyee biala te ɛmɔ deɛ.

Deuteronomi 32:2

Me ngyerɛkyerɛ ne ɔ́tɔ kyɛ esue, me dwudwolɛ ne ógua kyɛ bosue, ɔ́yɛ kyɛ nyenyenzue bɔ ogua ndire so ɔ, ɔne nyaanyaa so nyasue.

Deuteronomi 33:13

Bɔ ɔha fale Yosef nwo ɛhe: “AWURADE, yira ye aseɛ, ma nyameɛso bosue guagua so, ná ma aseɛ bo dɔ nzue pu bra ɔɔloaloa so.

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.

Yakobo 3:18

Na bɛ bɔ bɛpena asomdwee si atee, bɔ bedua ye asomdwee nu ne, bɛte tenenee mmaa.