Sakaria 8:10 - AHYERƐLƐ KRONGRON

¹⁰ Ofikyɛ, anzana sɔ mmerɛ ne baawa ne, né akatuaa biala nne berɛ mma sona, yeɛ né ebie koso nne berɛ mma kaka. Na sɛ né ebie ɔkɔ oo, anaa ɔba oo, pɔfoɛ ne ati, né olle asomdwee biala, ofikyɛ nganyane sona biala maa odwɔso tiale obiɛngo.

Sakaria 8:10 Iomraidhean Croise

Yesaya 19:2

Ngɔkanyane Misraimfoɛ maa bekodwɔso bekotia Misraimfoɛ, bɛkɔho, aliɛmaa ne aliɛmaa bɛkɔho, abiɛngoɛ ne abiɛngoɛ bɛkɔho, kuro ne kuro bɛkɔho, na ahennie ne ahennie bɛkɔho.

Yeremia 16:16

“Tie, ngɔsoma maa bɛkɔɔfrɛ mmenia pee bɔ bɛkye nzue nu naen ɔ bɛkɔwa, AWURADE noa dwirɛ ɛne, na bɛkɔɔhye bɛ. Na afei ngɔsoma maa bɛkɔɔfrɛ bɔfoɛ mɔ pee bɛkɔwa, na bɛkɔhyehye mmenia ne wɔ bokaa biala so ne pambaa biala so ne nyɔbotaen nu ndokuro ngumaa nu.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Amose 9:4

Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”

Hagae 2:15

Na ofi ɛnɛ bɔ ɔkɔ ɔ, mesrɛ ɛmɔ, odi kyɛ ɛmɔdwenedwene bɔ okosi ɔ nwo. Na mmerɛ bɔ ɛmɔnnya bɛttole nyɔboɛ ko bessiele nyɔboɛ ko aso wɔ AWURADE asɔneyɛɛ sua ne anu ne,

Maenbulɛfoɛ 5:11

Edwein bɔ edweintolɛfoɛ bɛto wɔ asaleɛ berɛ ne, berɛ yeɛ bɛto AWURADE ayɛyelɛ dwein ɔ, bɛto ayɛyelɛ dwein wɔ Yisrael. Yeɛ AWURADE mmenia torotorole hɔle pambim nemɔ anwo.