Sakaria 7:9 - AHYERƐLƐ KRONGRON

⁹ “Asafo AWURADE nwa nyoo: Ɛ́mɔbua ndɛen turoloo, ná ebiala ɔla anwumvoinnwunɛ ne adɔeɛ ali ohyire obiɛngo;

Sakaria 7:9 Iomraidhean Croise

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

YOB NWOMAA NE 31:20

bɔ wamvi ye ahone nu wanyirayira me ɔ; ɔnate kyɛ mama ye kundu bɔ mafa me mmoaen nwo nwiaa manwo mama ye nwo ayɛ ahye.

YOB NWOMAA NE 6:14

“Sona bɔ wali amia ne, sɛ obiɛngo annwu ye anwumvoin a, ye de né obiɛngo ne apo kyɛ okosuro Ɛdangama Nyameɛ ɔ.

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Yeremia 21:12

Ao Dawide awuro ama! Bɔ AWURADE kã ɛhe: Ɛ́mɔbua ndɛen turoloo ngyerɛmɔ, na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu, wanyɔ sɔ a, m’ahone kohu kyɛ see, na okogye bɔ ebiala ngɔhora ye nua ɔ, ɔnate ɛmɔ bɔne yɔleɛ nemɔ ati.’ ”

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Yeremia 7:5

Ofikyɛ sɛ ɛmɔsesã ɛmɔ atee bɔ ɛmɔnate so, ɔne ɛmɔ yɔleɛ nahorɛ nu, sɛ ɛmɔbua mmenia afia ndɛen bɔ ɔtengyɛ,

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Hosea 12:7

Kanaan tira ngondombo tonyi, na okuro aminɛlilɛ.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Sakaria 7:7

Mmerɛ bɔ né mmenia tete Yerusalem bɔ né wanya ngɔsoɛ, bɔ né ye nguro mɔ bapɛ ye nwo bayia, bɔ né mmenia tete ye ngwaen dɔ ne aseɛ pralaa ne aso ne, aso nna sɔ dwirɛ hemɔ yeɛ AWURADE fale daa ngɔmhyɛlɛfoɛ nemɔ aso bɔle ye dawure ɔ?”

Sakaria 7:8

Yeɛ AWURADE lale ye dwirɛ ali hyirele Sakaria kyɛ,

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Yohane 7:51

“Yɛ mmeraa ne, aso obua sona foɛ, wɔ aberɛ bɔ yɛttiele ye noa dwirɛ ná yɛnnwuni bɔ wayɔ ɔ?”

Deuteronomi 22:1

“Sɛ enwu kyɛ eliɛngo nandwie anaa boaen ate, ná wamini a, nnɛyakyi ye maa ɔkɔ, na mmom fa ye sá kɔma ye mene.