Sakaria 7:7 - AHYERƐLƐ KRONGRON

⁷ Mmerɛ bɔ né mmenia tete Yerusalem bɔ né wanya ngɔsoɛ, bɔ né ye nguro mɔ bapɛ ye nwo bayia, bɔ né mmenia tete ye ngwaen dɔ ne aseɛ pralaa ne aso ne, aso nna sɔ dwirɛ hemɔ yeɛ AWURADE fale daa ngɔmhyɛlɛfoɛ nemɔ aso bɔle ye dawure ɔ?”

Sakaria 7:7 Iomraidhean Croise

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 13:19

Ngwaen dɔ nguro nemɔ, bɛkɔtoto nu, bɔ ebiala nne berɛ bɔ okobukye ɔ; Yuda amukoraa bɛkɔhye bɛ nnure, bɛkɔhye bɛ mukoraa nnure bɛkɔhɔ.

Yeremia 17:26

Na mmenia kofi Yuda nguro mɔ so, nguro bɔ bapɛ Yerusalem nwo bayia nemɔ so, Benyamin aseɛ so, aseɛ frɛtɛɛ ne aso, mmokaa aseɛ nemɔ aso ne ngwaen dɔ aseɛ ne aso bɛkɔfa naen yeralɛ afɔleɛ, afɔleɛ mɔ, aburoo afɔleɛ, ayirefona, ɔne ayɛyelɛ afɔleɛ bɛkɔwa AWURADE awuro.

Yeremia 22:21

Mmerɛ bɔ né nningyein kɔ so yé ma wɔ ne, ndwudwo ngyirele wɔ, nakoso ɛnwa, ‘Mengotie.’ Efi wɔ ngwadaa nu, w’atee bɔ ɛnate so hɔ ɛne, ɛmva me noa dwirɛ nyɛ hwee.

Yeremia 32:44

Benyamin aseɛ so, aseɛ bɔ wapɛ Yerusalem nwo wayia nemɔ aso, Yuda nguro nemɔ aso, bokaa maen nguro nemɔ aso, bɔnza nu nguro nemɔ aso, yeɛ ngwaen dɔ nguro nemɔ aso, mmenia kɔte esikaa bɛkɔtotɔ eboo, bɛkɔyɛ ye nwo ngrataa, bɛkɔfa nzɔanoɛ bɛkɔsɔ ye noa, ná bapena ye nwo adanzefoɛ; ofikyɛ ngɔfa bɛ ngofi nnurehyelɛ nu ngosa ngɔwa, AWURADE noa dwirɛ ɛne.”

Yeremia 33:13

Mmokaa maen nguro nemɔ aso, bɔnza nu nguro nemɔ aso, ngwaen dɔ nguro nemɔ aso, Benyamin aseɛ so, Yerusalem nwo aseɛ nemɔ aso, yeɛ Yuda nguro nemɔ aso, sona bɔ ɔka mmoaen onwu bɛ somaa ne, okosa ɔkɔha bɛ, AWURADE noa dwirɛ ɛne.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Yeremia 7:5

Ofikyɛ sɛ ɛmɔsesã ɛmɔ atee bɔ ɛmɔnate so, ɔne ɛmɔ yɔleɛ nahorɛ nu, sɛ ɛmɔbua mmenia afia ndɛen bɔ ɔtengyɛ,

Sakaria 7:12

Bɛyɛle bɛ so serɛ kyɛ twerɛboɛ, kyɛbɔ ɔkɔyɛ bɔ bɛngɔte mmeraa ne ne edwirɛ bɔ Asafo AWURADE nate ye Sunzum so mane daa ngɔmhyɛlɛfoɛ nemɔ bɛbɔle ye dawure ne ɔ. Yiti Asafo AWURADE ahone huli piri paa.

Sakaria 7:6

Na sɛ ɛmɔdidi ná ɛmɔno koso a, aso nna ɛmɔ bɔbɔ yeɛ ɛmɔdidi bɛno bɛma bɛ nwo ɔ?

Sakaria 7:8

Yeɛ AWURADE lale ye dwirɛ ali hyirele Sakaria kyɛ,

Deuteronomi 34:3

ngwaen dɔ aseɛ ne, ɔne aseɛ frɛtɛɛ ne, bɔ ɔte ayee ayee kuro Yeriko ye bɔnza ne, bɔ ɔkwaadwu Soa.