Sakaria 7:5 - AHYERƐLƐ KRONGRON

⁵ “Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Sakaria 7:5 Iomraidhean Croise

2 Ahemvo 25:23

Na Yuda safohene nemɔ amukoraa bɛ ne bɛ koɛhonɛfoɛ tele kyɛ Babilɔn hene abɔ Gedalia amrado ne, bɛ ne bɛ koɛhonɛfoɛ hɔle Gedalia berɛ wɔ Misepa. Bɛ ole: Netania awa Yismael, Karea awa Yohanan, Netofaniɛ Tanhumete awa Seraya, yeɛ Yaasania bɔ ɔse te Maakatiniɛ ne.

2 Ahemvo 25:25

Nakoso bosome nzoo ne anu, Yismael bɔ ɔte dehyeɛ bɔ ye baba ole Netania bɔ ye baba ole Elisama ne, ɔfale mmienzua buru bokale ye nwo so, na beehuni Gedalia ne Yudafoɛ ne Babilɔnfoɛ bɔ né bɛboka ye so wɔ Misepa ne.

Yesaya 43:23

Amva wɔ mmoaen amma ammɔ naen yeralɛ afɔleɛ amma me, yeɛ amva w’afɔleɛ mɔ anhyɛ me animnyam. Mamva afɔleɛ mɔ manyɛ wɔ so adesoa, yeɛ mammisa wɔ ɛyɛɛ mamva manha w’adwene.

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Yeremia 25:11

Aseɛ ne amukoraa kɔkakyi kurofoen ne anwodwiri nikye, na maen maen hemɔ, bɛkɔso Babilɔn hene afoɛ aburasoo.

Yeremia 29:10

“Ofikyɛ bɔ AWURADE kã ɛhe: Sɛ afoɛ aburasoo nya so wɔ Babilɔn a, ngɔwa ngɔɔpasa ɛmɔ nwo, na ngɔma me ndɛenvɛen ne kɔwa nu kɔma ɛmɔ. Na ngɔfa ɛmɔ ngosa ngɔwa ɛwa.

Yeremia 52:12

Babilɔn hene Nebukadenesa ye ahennie afoɛ bɔ ɔtɔ so buru ne ngona ne, bosome bɔ ɔtɔ so nnu ne, ye eleburu ne aso, awɛmvoɛ nemɔ aso safohene Nebusaradan bɔ osa te Babilɔn hene ye mbanyi nemɔ anu ko ne, ɔhɔle Yerusalem.

Daniel 9:2

ye ahennie afoɛ bɔ oli moa ne anu, me, Daniel, mbɛnzɛmbɛnzɛle ngrataa nemɔ anu nwuni afoɛ aburasoo bɔ odi kyɛ ɔpɛ nu koraka né Yerusalem abɔ, bɔ ɔte AWURADE dwirɛ bɔ ɔlale ye ali hyirele ngɔmhyɛlɛniɛ Yeremia ne.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Sakaria 7:4

Yeɛ Asafo AWURADE lale ye dwirɛ ali hyirele me kyɛ,

Sakaria 7:6

Na sɛ ɛmɔdidi ná ɛmɔno koso a, aso nna ɛmɔ bɔbɔ yeɛ ɛmɔdidi bɛno bɛma bɛ nwo ɔ?

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

2 Korintofoɛ 5:15

Owu mane mmenia mukoraa, amaa bɛ bɔ bɛte ase ne bandena bamma bɛ nwo ko, na mmom batena bama bɔ bɛ ti owuli ná otingyele ne.

Kolosefoɛ 3:23

Na adwuma biala bɔ ɛmɔyɔ ne, ɛ́mɔfi ɛmɔ ahone nu bɛ́yɔ ye kyɛ ɛmɔyɔ bɛma Awurade, na nna kuro sona.