Sakaria 7:14 - AHYERƐLƐ KRONGRON

¹⁴ Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”

Sakaria 7:14 Iomraidhean Croise

2 Aberɛso Dwirɛ 36:21

Ɛhe sili, amaa AWURADE dwirɛ bɔ ɔnate Yeremia so hane ne, wawa nu; amaa ɔnate so aseɛ ne wanya ate wali ye afofingyẽa. Ngyẽa amukoraa bɔ aseɛ ne lale berɛ mbaen ne, né odi afofikyẽa alaa kɔpem kyɛ afoɛ aburasoo sone ɔ.

Edwein 58:9

Ole ɛyaa kɔpra teasefoɛ kɔhɔ kyɛ mvrama bɔ ɔpɛ ye nwo ɔ, na ɔkɔyɔ sɔ ndɛndɛ kɔtra kyɛbɔ wɔ kukue bɔ ogyi mmowue see so ɔ okosi kɔyɛ hye ɔ.

Yesaya 17:13

Maen maen mɔ bɛyɛ dede kyɛ asue mɔ bɔ bɛse wuruwuru ɔ, nakoso Nyameɛ twi bɛ nyunu, na bɛnwati bɛkɔ dede, ɔfoa bɛ kyɛ afafu bɔ mvrama bɔ ye fi bokaa so ɔ, kyɛ mvuture bɔ ɔpɛ ye nwo wɔ mvrama piri nu ɔ.

Yesaya 21:1

Mboanoa ɛserɛ nwo nyekyire. Ngwaen dɔ mvrama bɔ ɔpɛ ye nwo ne, kyɛbɔ osi tu ba ne, sɔ ala yeɛ otu fi ɛserɛ so dɔ ba ɔ, ofi aseɛ bɔ so yɛ suro ɔ so.

Yesaya 60:15

“Ɔwɔ nu kyɛ bapo wɔ, yeɛ bɛpɔ wɔ, bɔ sona biala ɔmma mbɛ nu wɔ wɔ nu ɔ, nakoso ngɔmaa ekonya animnyam afebɔɔ, bɔ ɔte aworɛ ndoatoasoɛ amukoraa b’anigye nikye ɔ.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Yeremia 23:19

Nea! AWURADE mvrama bɔ ɔpɛ ye nwo ne otu! Ɛyaa piri afite awa, mvrama bɔ ɔpɛ ye nwo bɔ otu serɛserɛ ɔ; na okoofĩ bɔnefoɛ bɛ ti so serɛserɛ.

Yeremia 30:23

Ɛ́mɔtie, AWURADE mvrama bɔ ɔpɛ ye nwo ne! Ole ɛyaa otu kɔ, mvrama bɔ ɔpɛ ye nwo bɔ ongyina ɔ, na okotu koofĩ bɔnefoɛ ti so.

Yeremia 36:19

Yeɛ atitire nemɔ sele Baruku kyɛ, “Ɛne Yeremia, ɛmɔɔfea, na nnɛmɔma ebiala nwu ɛmɔ si atee.”

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Yeremia 5:15

Ao Yisrael awuro ama, ɛ́mɔtie, méma maen bie bɔ ofi dedeede ɔ ɔfa koɛ ɔbateta ɛmɔ, AWURADE noa dwirɛ ɛne. Ɔte maen bɔ ye nwo yɛ se ɔ, ɔte daa tete maen, maen bɔ ɛnde ye dwudwolɛ, bɔ ɛnde bɔ ɔkã ne abo ɔ.

Yeremia 52:30

Nebukadenesa ye ahennie afoɛ bɔ ɔtɔ so aburanyɔ ne nza ne anu, awɛmvoɛ nemɔ aso safohene Nebusaradan hyele Yudafoɛ ɛyaa nzoo ne aburanna ne nnu nnure hɔle. Mmenia nemɔ amukoraa bɛ somaa te apee nna ɛyaa nzia.

Hesekiel 12:19

ná se aseɛ ne aso ama kyɛ, ‘Yerusalemfoɛ bɔ bɛwɔ Yisrael aseɛ so ne, bɔ AWURADE Nyameɛ kã fa bɛ nwo ɛhe: Bɛkɔfa ahunundetelɛ bekoli b’aleɛ, ná bafa aworabɔlɛ bano bɛ nzue, ofikyɛ bɔ ɔwɔ b’aseɛ ne aso amukoraa kofi so, ɔnate so ama amukoraa b’amumuyɛɛ ne ati.

Hesekiel 22:15

Ngɔbɔ wɔ ngɔsande ngɔhɔ maen maen mɔ nu, ná mato wɔ mapete aseɛ mɔ so; na ngokyikyi wɔ yɔleɛ fiɛ ne ngofi wɔ nu bɔkɔɔ.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Daniel 8:9

Mmɛen nemɔ anu, mmɛen kaaba bie fifili fili ko anu, onyini yɛle piri paa mane ye nye hyirele ngwaen, eyia afiteleɛ ne aseɛ nyemenenyemene ne.

Hosea 9:17

Me Nyameɛ kɔpo bɛ, ofikyɛ banyɛ sotie bamma ye, na bekohyinihyini maen maen mɔ so.

Yoel 2:3

See bie yera nningyein di bɛ nyunu, na see bɔ ogye ɔ wɔ bɛ si. Aseɛ ne te kyɛ Eden turo ne wɔ bɛ nyunu, nakoso bɛ si de, ɔkakyi ɛserɛ pralaa. Amba, nikye fee ngɔfa ye nwo ngoli tɔtorɔtɔɔ wɔ bɛ sa nu.

Lewitikɔso 26:22

Ngɔsoma ngaka aboyaa maa bɛkɔwa ɛmɔ so, na bekohũhũ ɛmɔ mma mɔ maa bekofi ɛmɔ sa; bekohũhũ ɛmɔ nyɛmmoa. Bɛkɔma ɛmɔ somaa so kɔte, bɔ ɔnate so sona fee ngɔfa ɛmɔ atee nemɔ aso ɔ.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Habakuku 3:14

Ɛfale ye bɔbɔ ye pealɛɛ sinane bɔ ɔla ye koɛhonɛfoɛ nemɔ noa ne; bɛwale kyɛ mvrama bɔ ɔpɛ ye nwo ɔ, kyɛ bɛbabɔ me bɛpete. Bɔ bɛ nye gye ye nwo ole kyɛ bekohu anwumvoin mmenia wɔ mvealeɛ nu ɔ.

Sefania 3:6

“Mabɔ maen maen mɔ pasaa, b’abandenden nemɔ adwiri agua, mama bɛ dwaa nemɔ so ayɛ bɔfonn bɔ ebiala mva so ɔ; mabɔ bɛ nguro nemɔ tɔɔ bɔ sona biala anga, bɔ ebiala ɔtte nu ɔ.

Sakaria 2:6

Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Sakaria 8:1

Na Asafo AWURADE lale ye dwirɛ ali hyirele me bieku kyɛ,

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,

Deuteronomi 28:64

“AWURADE kɔmaa ɛkɔbɔ aya wɔ maen maen mukoraati so, fite aseɛ ti kɔka ye ti; na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ, bɔ wɔ anaa wɔ nana mɔ bɛnze bɛ ɔ.

Deuteronomi 4:27

AWURADE kɔbɔ ɛmɔ kɔsande kɔhɔ maen maen nemɔ aso, na ɛmɔ nu kãa bie yeɛ bekonya ngoa wɔ maen maen bɔ AWURADE kɔhwe ɛmɔ kɔhɔ so ne aso ɔ.