Sakaria 7:12 - AHYERƐLƐ KRONGRON

¹² Bɛyɛle bɛ so serɛ kyɛ twerɛboɛ, kyɛbɔ ɔkɔyɛ bɔ bɛngɔte mmeraa ne ne edwirɛ bɔ Asafo AWURADE nate ye Sunzum so mane daa ngɔmhyɛlɛfoɛ nemɔ bɛbɔle ye dawure ne ɔ. Yiti Asafo AWURADE ahone huli piri paa.

Sakaria 7:12 Iomraidhean Croise

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Edwein 50:17

Ofikyɛ ekyi kyɛ ngɔtea wɔ ɔ, yeɛ afa me dwirɛ ato ahameɛ.

Ɛksadɔso 7:13

Bekye po yeɛ Faro bubuli mmakaa tuale ye so ɔ, na wandɛ bɛ so, kyɛbɔ AWURADE hane ne ala.

Yesaya 46:12

“Asoserɛfoɛ, ɛ́mɔyɛ asoɛ bétie me, ɛmɔ bɔ ɛmɔ ne tenenee b’afia atee wale ɔ:

Yesaya 48:4

Ofikyɛ, mese kyɛ wɔ so yɛ se, ayɛ wɔ kɔme kyeinn kyɛ buralɛ, ɔne wɔ nwoma so kyɛ ayaa.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yesaya 65:12

na me koso ngɔma ɛmɔ kɔtotɔ ngrandɛ noa, na ɛmɔ amukoraa bekobu ndwerɛ maa bekohu ɛmɔ; ofikyɛ mvrɛle ɛmɔ ne, ɛmɔandɛ me so, ndwudwole ne, ɛmɔandie, na mmom ɛmɔyɔle bɔ ɔte bɔne wɔ me nye so ɔ, na bɔ menguro yeɛ ɛmɔyɔle ɔ.”

Yeremia 17:1

Bafa buralɛ pɛn yeɛ bahyerɛ Yuda bɔne ɔ. Bafa pɛn ne noa bɔ ɔte dɛngyɛmmoɛ ne yeɛ bakurukyire ye wɔ b’ahone poen so ɔ, ɔne b’afɔleɛ mmokyea mmɛen nemɔ aso ɔ;

Yeremia 17:23

Nakoso bandie, yeɛ banyɛ asoɛ bamma me; bɛsoale bɛ kɔme so, kyɛbɔ ɔkɔyɛ bɔ bengotie anaa bengole foɛtulɛ bɛngɔto nu ɔ.

Yeremia 26:19

Aso Yuda hene Hesekia ne Yudafoɛ amukoraa behuni ye anaa? Aso wanzuro AWURADE, yeɛ aso wanzrɛ AWURADE kyɛ ɔlo ye, maa ɔnate so AWURADE wanzesã ye adwene wɔ musue bɔ ɔhane kyɛ ɔkɔprapra kogua bɛ so ne anwo anaa? Nakoso yɛ de, musue piri paa yeɛ ɛmɔmaa yɛtwetwe yɛbrɛ yɛ nwo ɔ!”

Yeremia 42:21

Na ɛnɛ kyẽa ye, mafa mato ɛmɔ nyunu, nakoso ɛmɔandie AWURADE ɛmɔ Nyameɛ noa dwirɛ, anaa bɔ ɔfa somane me kyɛ nga ngyire ɛmɔ ne anu biala.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Hesekiel 11:19

Na ngɔma bɛ ahone ko, ngɔfa sunzum foforɛ ngowura bɛ nu, ngɔye nyɔboɛ ahone ne ngofi bɛ nwonaen nu, na ngɔma bɛ anwoɔnaen ahone,

Hesekiel 14:5

Na ɔba ye sɔ a, Yisrael awuro ama amukoraa bɔ ɔnate bɛ mmosoen ti bayakyi me si lilɛ ne, ngɔma b’adwene kɔwa me so.

Hesekiel 2:4

Ofikyɛ bɛte aniammɔwoho ne asoserɛfoɛ mmenia, na mésoma wɔ bɛ berɛ maa ekose bɛ kyɛ, ‘Bɔ AWURADE Nyameɛ ɔkã hɔ ɛhe oo.’

Hesekiel 36:26

Ngɔma ɛmɔ ahone foforɛ, ngɔfa sunzum foforɛ ngowura ɛmɔ nu; ngɔye nyɔboɛ ahone bɔ ɔwɔ ɛmɔ nu ne, na ngɔma ɛmɔ anwoɔnaen ahone.

Sakaria 1:2

“AWURADE ahone huli paa wɔ ɛmɔ nana mɔ so.

Sakaria 7:7

Mmerɛ bɔ né mmenia tete Yerusalem bɔ né wanya ngɔsoɛ, bɔ né ye nguro mɔ bapɛ ye nwo bayia, bɔ né mmenia tete ye ngwaen dɔ ne aseɛ pralaa ne aso ne, aso nna sɔ dwirɛ hemɔ yeɛ AWURADE fale daa ngɔmhyɛlɛfoɛ nemɔ aso bɔle ye dawure ɔ?”

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 8:12

Atee noa deɛ ne ole mmenia bɔ bɛte dwirɛ ne, na afei abɔnzam ba ɔbaye dwirɛ ne fi b’ahone nu kɔ, ná banne banni ma banne bɛ ngoa.

Asomafoɛ 28:27

Ofikyɛ maen he b’adwene ala, batuatua bɛ so, yeɛ bamuamua bɛ nye. Anyɛ a, né bɛ nye anwu nikye, né bɛ so ate dwirɛ, né b’adwene ate dwirɛ bo, ná basa bawa me berɛ maa masa bɛ anwonyerɛ.’ ”

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.