Sakaria 7:10 - AHYERƐLƐ KRONGRON

¹⁰ nnɛma ɛmɔsisi kunafoɛ, ayisiaa, ɛwɔfoɛ ne ehianiɛ; yeɛ nnɛma ɛmɔ nu biala dwene obiɛngo nwo adwene tɛɛ.”

Sakaria 7:10 Iomraidhean Croise

Edwein 140:2

bɛ bɔ bɛbɔ porɛ tɛɛ wɔ bɛ ti anu, ná bɛtwetwe koɛ bɛba daa ɔ.

Edwein 21:11

Sɛ bɛbɔ wɔ nwo porɛ, yeɛ sɛ bɛfa wɔ nwo adwene tɛɛ a, ɔngɔyɛ yé.

Edwein 36:4

Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Edwein 72:4

Maa oli maen ne anu ehiafoɛ bɛ dwirɛ ɔma bɛ; maa ɔpepɛ ole bɛ bɔ bɛyɛ anwumvo ɔ, ná obubu aminɛlilɛfoɛ nu gɔsɔgɔsɔ.

Ɛksadɔso 23:9

“Nnɛsisi ɛwɔfoɛ. Ɛmɔse kyɛbɔ ɛwɔfoɛyɛlɛ si te ɔ, ofikyɛ né ɛmɔ wora ɛmɔte wɔfoɛ wɔ Misraim aseɛ so.

Anyandera 3:29

Nnɛbɔ ebiɛngo anwo porɛ tɛɛ, wɔ aberɛ bɔ ɔne wɔ bɛte ye asomdwee nu ɔ.

Anyandera 6:18

sona bɔ adwene tɛɛ ali ye ti ɔ, agyirɛ bɔ ye nwo yɛ nyera wɔ bɔneyɔlɛ nwo,

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 21:12

Ao Dawide awuro ama! Bɔ AWURADE kã ɛhe: Ɛ́mɔbua ndɛen turoloo ngyerɛmɔ, na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu, wanyɔ sɔ a, m’ahone kohu kyɛ see, na okogye bɔ ebiala ngɔhora ye nua ɔ, ɔnate ɛmɔ bɔne yɔleɛ nemɔ ati.’ ”

Yeremia 49:11

Yakyi wɔ nyisiaa nemɔ berɛ, na ngɔmaa bɛkɔtena ngoa nu; na odi kyɛ wɔ kunafoɛ nemɔ, bɛfa bɛ wora bewura me nu.”

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Yeremia 7:6

sɛ ɛmɔanhyɛ ɛwɔfoɛ mɔ, nyisiaa ne akunafoɛ mmrasua mɔ so, sɛ ɛmɔanga mogya bɔ odi be ɔ bangua wɔ wa, ná ɛmɔanzo nyameɛ foforɛ mɔ bamva banha ɛmɔ nwo a,

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Hesekiel 22:29

Aseɛ ne aso mmenia bɛhyɛ mmenia so, bedi aminɛ, besisi ehiafoɛ ne bɛ bɔ bɛyɛ anwumvo ɔ, na bebu mmeraa so bɛhyɛ ɛwɔfoɛ mɔ so.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.

Sakaria 8:17

nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

1 Yohane 3:15

Ebiala bɔ ɔpɔ oliɛma ne te wudiniɛ, na kyɛbɔ ɛmɔse ne, daa ngoa ndena wudiniɛ biala nu.