Sakaria 5:2 - AHYERƐLƐ KRONGRON

² Yeɛ abɔfo ne bisale me kyɛ, “Nzikyɛ yeɛ enwu ye e?” Na mmuale kyɛ, “Menwu nwomaa bɔ babobɔ bɔ otu ɔ; ye tendenn nu te agyirɛ aburanyɔ, yeɛ ye tɛtrɛtɛɛ nu te agyirɛ buru.”

Sakaria 5:2 Iomraidhean Croise

Yeremia 36:2

“Fa nwomaa bɔ babobɔ ɔ, na nikyee amukoraa bɔ mahã mahyire wɔ kyɛ ngɔyɔ ngotia Yisrael ne Yuda ne maen maen amukoraa, ofi kyẽa bɔ ndwudwo ngyirele wɔ, ofi Yosia aberɛ so bɔ ɔbaadwu ɛnɛ ne, kyerɛ gua nu.

Amose 7:8

Na AWURADE bisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Ɛtengyɛlɛ susulɛ nyamaa.” Yeɛ AWURADE sele kyɛ, “Tie, ngɔfa ɛtengyɛlɛ susulɛ nyamaa ngɔto me maen Yisrael b’afia, mengobu me nye mengogua bɛ bɔne so ko.”

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Nyekyire 18:5

Ofikyɛ ye bɔne yɔleɛ noa aboa waadwu nyameɛso, na Nyameɛ akaye ye amumuyɛɛ nemɔ.