Sakaria 4:9 - AHYERƐLƐ KRONGRON

⁹ “Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Sakaria 4:9 Iomraidhean Croise

Ɛsra 5:16

Na ɛhe mane sɔ Sesebasa ne tole Nyameɛ awuro bɔ ɔwɔ Yerusalem ne fapem, na sua ne nwo adwuma ahɔ so alaa fi sɔ mmerɛ ne maa waadwu ɛnɛ, bɔ yɛnnya yɛyyiele ye si ɔ.’

Yesaya 48:16

Ɛmɔhwe bepingye me, ɛ́mɔtie sɔ dwirɛ he: Ofi ahyɛaseɛ ne, nndwudwole mvealeɛ nu, ofi mmerɛ bɔ osili ne, né nwɔ berɛ.” Na afei de, AWURADE Nyameɛ ɔne ye Sunzum basoma me.

Hagae 2:18

Yiti odi kyɛ ɛmɔdwene ye nwo bɛnea, ofi ɛnɛ bɔ ɔkɔ ɔ, ofi bosome ngona ne anu ye eleburanyɔ ne nna ne aso, bɔ ɔte kyẽa bɔ bɛtole AWURADE asɔneyɛɛ sua ne fapem ne. Ɛ́mɔdwene ye nwo!

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 2:13

Adasa mukoraa, ɛ́mɔyɛ konn wɔ AWURADE nyunu; ofikyɛ wawoso ye nwo wɔ ye atenaleɛ krongron berɛ.

Sakaria 4:8

AWURADE lale ye dwirɛ ali bieku hyirele me kyɛ,

Sakaria 6:15

“Na bɛ bɔ bɛwɔ nziɛ nziɛ ne, bɛkɔwa bɛkɔɔboka wɔ AWURADE asɔneyɛɛ sua ne silɛ nu, na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ. Na sɛ ɛmɔyɛ AWURADE ɛmɔ Nyameɛ dwirɛ nwo sotie bɔkɔɔ a, sɔ dwirɛ ne kɔwa nu.”

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.