Sakaria 4:6 - AHYERƐLƐ KRONGRON

⁶ Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Sakaria 4:6 Iomraidhean Croise

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

1 Ahemvo 19:12

Aseɛwosolɛ ne asi ne, Elia nwuni see, nakoso né AWURADE ɔnne see ne anu. See ne asi, ɔtele komviɛ kaaba bɛtɛɛ bie.

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

Ɛsra 2:2

Mmenia hemɔ yeɛ belili bɛ nyunu bɛfale bɛ bɛwale ɔ: Serubabɛl, Yesua, Nehemia, Seraya, Reelaya, Modekae, Bilsan, Misepare, Bigiwae, Rehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Ɛsra 3:10

Suasilɛfoɛ nemɔ hyɛle ye bo bɔ bɛto AWURADE asɔneyɛɛ sua ne fapem nen, asɔfo mɔ bɔ bawurawura asɔfo ndaadeɛ ɔ behuli totorobɛndo, yeɛ Lewifoɛ bɔ bɛte Asafe bosofoɛ ne koso, bɛbɔle firikyiwa bɛyele AWURADE ayɛ, kyɛbɔ Yisrael hene Dawide hyehyɛ mane bɛ ne ala.

Ɛsra 5:2

Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.

Edwein 33:16

Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 32:15

kɔpem kyɛ bekofi anwuro bekohwie Sunzum ne bekogua yɛ so, kɔpem kyɛ ɛserɛ so kɔkakyi aseɛ bɔ ɔkye aleɛ ɔ, ɔne kyɛ bekobu aseɛ bɔ ɔkye aleɛ kyɛ ɛhɔayeɛ ɔ.

Yesaya 34:16

Ɛ́mɔpena AWURADE nwomaa ne bɛ́kenga. Ɛhemɔ anu ko po ngomini, ebiala nne berɛ bɔ obiɛngo kɔhwere ye ɔ, ofikyɛ ahyɛdeɛ ne fi AWURADE noa nu, na ye Sunzum yeɛ waboaboa bɛ noa ɔ.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Daniel 2:34

Na egu so bɔ ɛnea ne, nyɔboɛ bie bɔ nna sona sa yeɛ ofindini ye ɔ, ɔte ɔɔbɔle sonaluwaa ne gya tasaa bɔ ɔte buralɛ ne ɛfaa ne, na obubuli ye nyokonyoko.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 2:21

“Kã kyire Yuda amrado Serubabɛl kyɛ: Mebaawoso anwuro ne aseɛ.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Numeri 27:16

“AWURADE bɔ ɛte anwoɔnaen amukoraati, bɛ sunzum Nyameɛ ne, ye sona maa otua maen ye anoa,

Ɛfesofoɛ 6:17

Ɛ́mɔfa ngoalelɛ buralɛ kyerɛ, ɔne Sunzum ngrandɛ ne, bɔ ye ole Nyameɛ dwirɛ ne.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 17:47

Na mmenia bɔ bayia wa ye amukoraa konwu ye kyɛ, AWURADE mva ngrandɛ ne pealɛɛ yeɛ ode ye mmenia ɔ; ofikyɛ AWURADE yeɛ koɛ ne te ye koɛ ɔ, na ɔkɔfa ɛmɔ kowura yɛ sa.”