Sakaria 4:2 - AHYERƐLƐ KRONGRON

² Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Sakaria 4:2 Iomraidhean Croise

1 Aberɛso Dwirɛ 28:15

yeɛ afei esikaa kɔkorɛ kanea bakaa nemɔ ɔne kanea nemɔ bɛ nu nonɛ, esikaa kɔkorɛ somaa bɔ odi kyɛ bɛfa bɛyɔ esikaa kɔkorɛ kanea bakaa biala ɔne ye nganea nemɔ, ɔne ɛdwetɛ somaa bɔ odi kyɛ bɛfa bɛyɔ ɛdwetɛ kanea bakaa ne ye nganea mɔ, kyɛbɔ bɛ nu biala ɛsɔnenɛ adwuma bɔ bɛfa bɛyɔ ɔ ne ɔte ɔ.

2 Aberɛso Dwirɛ 13:11

Ngyerɛmɔ ne nɔsoa biala, bɛbɔ naen yeralɛ afɔleɛ ne ɛyɛɛ fona afɔleɛ bɛma AWURADE. Na esikaa kɔkorɛ paa poen ne, bɛhyehyɛ paanoo folii begua so. Bɛnea kyɛ esikaa kɔkorɛ kanea bakaa ne, ye kanea nemɔ kɔsɔ nɔsoa biala, ofikyɛ yɛyɔ bɔ AWURADE yɛ Nyameɛ ahyɛ yɛ kyɛ yɛyɔ ɔ. Nakoso ɛmɔ de, ɛmɔapo ye.

2 Aberɛso Dwirɛ 4:7

Ɔyɔle kanea bakaa buru kyɛbɔ bahyɛ ne, na ɔfa siesiele asɔneyɛɛ sua ne anu: ɔfale nnu siesiele ngwaen, yeɛ ɔfale nnu koso siesiele sorɔ.

Nworɛ Dwirɛhanɛniɛ 12:6

koraka né ɛdwetɛ nyamaa ne ate, koraka né sikaa kɔkorɛ talie ne abɔ, koraka né bua ne abɔ wɔ asue noa, koraka né nyamaa bɔ bɛfa bɛto nzue ne ate;

Yeremia 24:3

Na AWURADE bisale me kyɛ, “Yeremia, bɔ enwu ye e, nzikyɛ ɛne?” Na mmuale kyɛ, “Borɔdoma ɔ. Borɔdoma paa nemɔ, ɔte paa paa, yeɛ borɔdoma bɔ ɔtte mayee nemɔ, ɔtte mayee koraa bɔ bedi ɔnyɛ yé ɔ.”

Yeremia 52:19

yeɛ komiti mmaa mmaa nemɔ, ngukue bɔ bɛfa see begua nu nemɔ, ndalie nemɔ, bua nemɔ, kanea bakaa nemɔ, ateɛ nemɔ, yeɛ kulie nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bɔ bafa ɛdwetɛ bayɔ nemɔ koso, awɛmvoɛ nemɔ aso safohene ne sesale bɛ hɔle.

Amose 7:8

Na AWURADE bisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Ɛtengyɛlɛ susulɛ nyamaa.” Yeɛ AWURADE sele kyɛ, “Tie, ngɔfa ɛtengyɛlɛ susulɛ nyamaa ngɔto me maen Yisrael b’afia, mengobu me nye mengogua bɛ bɔne so ko.”

Sakaria 5:2

Yeɛ abɔfo ne bisale me kyɛ, “Nzikyɛ yeɛ enwu ye e?” Na mmuale kyɛ, “Menwu nwomaa bɔ babobɔ bɔ otu ɔ; ye tendenn nu te agyirɛ aburanyɔ, yeɛ ye tɛtrɛtɛɛ nu te agyirɛ buru.”

Nyekyire 1:12

Na ngakyili me nwo kyɛ menea komviɛ bɔ odwudwo kyire me ne, na mbɛle me nye ne, nwuni esikaa kɔkorɛ kanea bakaa nzoo;

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.