Sakaria 4:14 - AHYERƐLƐ KRONGRON

¹⁴ Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Sakaria 4:14 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Ɛsra 5:2

Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 89:20

Manwu me somvoɛ Dawide, mafa me ngoo krongron ne mapopa ye.

Ɛksadɔso 29:7

Fa ɛpopalɛ ngoo ne, hwie gua ye ti so, ná fa popa ye ti so.

Ɛksadɔso 40:15

ná fa ɛpopalɛ ngoo gua bɛ ti so, kyɛbɔ ɛfale ɛpopalɛ ngoo guale bɛ baba ti so ne ala, ná beli sɔfo bɛso me. Na ɛpopalɛ ngoo bɔ ɛkɔfa kogua bɛ ti so ne, ɔkɔma bɛ ne b’aworɛ ndoatoasoɛ mukoraa bekoli sɔfo afebɔɔ.”

Yesaya 5:1

Maa ndo me dɔfo nwo dwein, me dɔfo dwein bɔ ɔfa ye bobe boo nwo ɔ: Né me dɔfo ne ole bobe boo wɔ bokaa bie bɔ ɔkye aleɛ ɔ so.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yeremia 49:19

Ɛ́mɔtie, ɔkɔwa kyɛ gyata bɔ ofi Yɔɔdan ɛhɔayeɛ nu, bɔ ɔba bako tia anwoserɛfoɛ atenaleɛ ne ɔ, nakoso mvum nu, ngɔma Edom kofi berɛ kɔnwati. Na sona bɔ maneanea nu maye ne, ngɔfa berɛ ngowura ye sa. Na nwa yeɛ ɔte kyɛ me ɔ? Nwa yeɛ ɔkɔhora kobisa me dwirɛ ɔ? Na mmoaenneafoɛ beni yeɛ ɔkɔhora me nyunu gyina ɔ?

Lewitikɔso 8:12

Ohwiele ɛpopalɛ ngoo ne bie guale Aarɔn ti afia na ɔpopale ye ngoo fa tele ye nwo.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Sakaria 6:13

Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”

Sakaria 6:5

Na abɔfo ne buale me kyɛ, “Ɛhemɔ ole nyameɛso sunzum nna ne, bɔ begyinagyina aseɛ amukoraa Mene ye nyunu berɛ beyie a befi berɛ bɛkɔ ne.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Yosua 3:11

Ɛ́mɔtie! Aseɛ mukoraa Mene ne, ye apam alaka ne ódi ɛmɔ nyunu moa ɔ́kɔ asue Yɔɔdan nu.

Yosua 3:13

Asɔfo mɔ bɔ bɛsõ AWURADE bɔ ɔte aseɛ mukoraa Mene ye alaka nen, sɛ bɛ gya tia Yɔɔdan nzue ne anu pɛ a, Yɔɔdan nu nzue bɔ ɔtengyɛ fi ye sorɔ dɔ ne kɔpɛ, na ye noa kɔboa wɔ neka horɛ.”

Nyekyire 11:4

Na ɛhemɔ ole olive bakaa nyɔ ne ne kanea bakaa nyɔ bɔ begyigyi aseɛ Mene nyunu ne.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”