Sakaria 3:8 - AHYERƐLƐ KRONGRON

⁸ Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Sakaria 3:8 Iomraidhean Croise

Edwein 71:7

Mayɛ kyɛ anwanwadeɛ wɔ mmenia pee nye so, nakoso wɔ yeɛ ɛte m’anwoserɛ afealeɛ ɔ.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 20:3

Na AWURADE sele kyɛ, “Kyɛbɔ me somvoɛ Yesaya waye ye nwo wato so wafa ye gya wagua ase toonn afoɛ nza, bɔ ɔte sɛngyerɛnneɛ ne kɔkɔbɔlɛ tia Misraim ne Yitiopia nen,

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 49:3

Na osele me kyɛ, “O Yisrael, ɛte me somvoɛ, bɔ ɔnate wɔ so yeɛ bɛkɔhyɛ me animnyam ɔ.”

Yesaya 49:5

Na afei AWURADE adwudwo, ye bɔ ɔnwone me wɔ me ni akunu kyɛ mmanyɛ ye somvoɛ, kyɛ nza mva Yakob mmrɛ ye, amaa ɔnate so Yisrael noa waboa wɔ ye nyunu, ofikyɛ manya AWURADE nyunu animnyam, yeɛ me Nyameɛ te m’anwoserɛ.

Yesaya 52:13

Ɛ́mɔtie, okoyie me somvoɛ ne yé, bɛkɔma ye anidie ná bama ye so, na ɔkɔyɛ titire paa.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 33:15

Sɔ ngyẽa nemɔ anu, sɔ mmerɛ ne, ngɔmaa Tenenee Mmaen bie kofifi kɔma Dawide; na okobua ndɛen turoloo, ná wayɔ bɔ ɔte tenenee ɔ wɔ aseɛ ne aso.

Hesekiel 12:11

Kã kyɛ, ‘Nde sɛngyerɛnneɛ ma ɛmɔ, na bɔ nyɔle ne, sɔ ala yeɛ bɛkɔfa bɛkɔyɛ bɛ ɔ. Bɛkɔhye bɛ nnure bɛkɔsesa bɛ bɛkɔhɔ.’

Hesekiel 12:6

Ma borɛ ne aso to wɔ kɔme anwo bɔ bɛ nye tua ɔ, na aleɛ sa a, fa fite si nu kɔ. Fa nikyee mundu wɔ nyunu bɔ engonwu aseɛ ne ɔ, ofikyɛ mafa wɔ mayɛ sɛngyerɛnneɛ mama Yisrael awuro ama.”

Hesekiel 24:24

Sɔ yeɛ Hesekiel kogyina berɛ kɔma ɛmɔ kyɛ sɛngyerɛnneɛ ɔ; na bɔ wayɔ ne amukoraa, ɛmɔ koso ɛmɔkɔyɔ bie. Na sɛ sɔ dwirɛ ne si a, afei ɛmɔkonwu kyɛ me ole AWURADE Nyameɛ.’

Hesekiel 34:29

Ngɔma bɛ eboo nyemenenyemene, bɔ ɛhɔen ngohũ bɛ ko wɔ aseɛ ne aso ɔ, bɔ maen maen mɔ ngɔgoro bɛ nwo ko ɔ.

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Luka 1:78

ɔnate yɛ Nyameɛ anwumvoinnwunɛ bɔ ɔma ye kunu tete ye ne anu. Na ye sɔ ati yeɛ alehyeleɛ bɔ ofi anwuro ɔ wapukye wɔ yɛ so ye,