Sakaria 3:4 - AHYERƐLƐ KRONGRON

⁴ Na abɔfo ne sele bɛ bɔ begyigyi ye nyunu berɛ ne kyɛ, “Ɛ́mɔpuropuro ye nwo ndaadeɛ fiɛ ne!” Na afei osele Yosua kyɛ, “Tie, maprapra w’amumuyɛɛ ne mafi wɔ so, na ngɔfa ndaadeɛ nyemenenyemene ngowura wɔ.”

Sakaria 3:4 Iomraidhean Croise

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

Edwein 51:9

Nnɛnea me bɔne bɔ mayɔ ɔ, na mmom kyikyi m’amumuyɛɛ amukoraa.

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yeremia 52:33

Yiti Yehoakyin puropurole ye kuku nu ndaadeɛ ne guale, na mmerɛ amukoraa bɔ né ɔte ase ne, né ɔne Ewile Merodake yeɛ bɛtena poen nwo bedidi ɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 42:14

Sɛ asɔfo nemɔ bɛbaawura nekaa krongron ne anu a, onni kyɛ befi berɛ bɛkɔ aluo berɛ pato ne anu dɔ, sana bepuro bɛ ndaadeɛ bɔ bɛfa bɛsɔne ne begua berɛ koraka, ofikyɛ ndaadeɛ nemɔ te krongron. Odi kyɛ bɛfa ndaadeɛ mbaen bie bewura, koraka né bapingye nekaa bɔ mmenia le atee kyɛ bɛkɔ ne.”

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Sakaria 3:1

Afei ohyirele me ɔsɔfo panyi Yosua bɔ né ogyi AWURADE abɔfo ne nyunu berɛ ɔ, na né Satan gyi ye sa famaa so berɛ kyɛ ɔbɔ ye kwaadu.

Sakaria 3:7

“Asafo AWURADE nwa nyoo: Sɛ ɛfa m’atee so ná edi m’ahyɛdeɛ so a, ye de ngɔfa m’awuro ne ngowura wɔ sa, na ɛkɔnea m’aluo berɛ so, na ngɔmaa ekonya atee ɛkɔboka bɛ bɔ begyigyi ɛwa nemɔ aso.

Sakaria 3:9

Tie, nyɔboɛ bɔ mafa mato Yosua nyunu, nyɔboɛ komapɛ bɔ ye nye nzoo ne. Tie, so yeɛ ngokolikoli ye ahyerɛlɛ ne ngogua ɔ, Asafo AWURADE noa dwirɛ ɛne, na ngokyikyi aseɛ he amumuyɛɛ ne ngofi berɛ ɛlɛhomapɛ.

Mateo 22:11

“Na ɛhene ne wurale nu kyɛ ɔkwaanea bɛ bɔ bawa atɔmvorɛ ne abo nen, onwuni biaa bie wɔ berɛ, bɔ né ye de owwura atɔmvorɛfalɛ ataadeɛ ɔ.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 15:22

Yeɛ ye baba ne sele ye ngoaa nemɔ kyɛ, ‘Ɛmɔhã bɛ nwo bɛɛfa ataadeɛ paa beewura ye; ɛ́mɔfa pɛteaa bewura, ná ɛ́mɔfa mbaboa bewura ye;

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Kolosefoɛ 3:10

na ɛmɔanya sona sue foforɛ, na ye bɔ ɔbɔle yɛ ne, ogu so ɔyɛ yɛ foforɛ ba nimdeɛ nu maa ye sɛso yɛ kyɛ ye bɔbɔ ne ala.

Hebrifoɛ 8:12

Ngonwu b’amumuyɛɛ nwo anwumvoin, na mengɔkaye bɛ bɔne ne bɛ mvomsoɛ ko.”

Nyekyire 5:11

Afei ndole me nye, na ndele abɔfo pembepembe bɔ bapɛ ahennie bia ne ne abɔdeɛ ateasefoɛ nemɔ ne mbanyi nemɔ nwo bayia ɔ bɛ komvi; na né bɛ somaa te apee buru apee buru ahoroɔ ne apee apee.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.