Sakaria 3:2 - AHYERƐLƐ KRONGRON

² Yeɛ AWURADE sele Satan kyɛ, “Wɔ, Satan, AWURADE ohwi wɔ nyunu! AWURADE bɔ waneanea nu waye Yerusalem ne, ohwi wɔ nyunu! Ɛhe, aso nna gyetia bɔ baye bafi see nu ɔ?”

Sakaria 3:2 Iomraidhean Croise

2 Aberɛso Dwirɛ 6:5

‘Ofi kyẽa bɔ nyele me maen mvili Misraim aseɛ so mmale ɔ, nnneane Yisrael mmusua kure ne biala anu nnyele kuro bɔ ngosi sua ngosie so ngɔma me dumaa kɔla so ɔ. Yeɛ manneanea nu manye sona biala kyɛ oli me maen Yisrael so.

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

Edwein 109:31

Ofikyɛ ogyi sona bɔ ɔyɛ anwumvo ɔ ye sa famaa so, kyɛ ode ye fi bɛ bɔ babua ye ewue foɛ ɔ bɛ sa nu.

Yesaya 7:4

ná se ye kyɛ, Gyina pindinn, yɛ konn, nnɛsuro, yeɛ nnɛma wɔ kunu tete wɔ wɔ gyetia nyɔ hemɔ bɔ begye monɛɛmonɛɛ ne anwo, bɔ bɛ ole Sirianiɛ Resin ɔne Remalia awa ne bɛ yaa hahii bɔ bafɛ ne.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Sakaria 1:17

Bɔ ye dawure bieku kyɛ, Asafo AWURADE nwa nyoo: Me nguro nemɔ kosa konya ngɔsoɛ mmorosoɛ, na AWURADE kosa kɔkyekye Sion wora, na okosa kɔneanea nu kɔye Yerusalem.’ ”

Sakaria 2:12

AWURADE kɔfa Yuda kɔyɛ ye agyapadeɛ kyɛ ye kyɛfa deɛ wɔ aseɛ krongron ne aso, na okosa kɔfa Yerusalem kɔyɛ ye deɛ.”

Marko 1:25

Nakoso Yesu teateane ye kyɛ, “Mua wɔ noa, ná fi ye nu fite!”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Luka 4:35

Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

Romanfoɛ 8:33

Nwa yeɛ ɔkɔbɔ bɛ bɔ Nyameɛ waneanea nu waye bɛ ne kwaadu ɔ? Nyameɛ yeɛ obua be ɔ.

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

Yuda 1:23

ebiemɔ koso, ɛ́mɔhwe bɛ béfi see nu bele bɛ ngoa; ebiemɔ koso, ɛ́mɔfa anwowosolɛ benwu bɛ anwumvoin, nakoso ɛmɔhyi ndaadeɛ po bɔ bɛ nwonaen ayɛ ngekalewa wɔ nu ne.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”