Sakaria 3:10 - AHYERƐLƐ KRONGRON

¹⁰ Na sɔ kyẽa ne, ɛmɔ nu biala kɔfrɛfrɛ ye mmango kɔwa ye bobe ne ye borɔdoma bakaa bo, Asafo AWURADE noa dwirɛ ɛne.”

Sakaria 3:10 Iomraidhean Croise

1 Ahemvo 4:25

Solomon te ase ne, Yuda ne Yisrael maen ne nyane asomdwee; ofi Dan kodwu Beɛ Hyeba, bɛ mukoraati benyane asomdwee bɛtenatenane bɛ bobe boo ne borɔdoma boo mɔ anu.

1 Ahemvo 5:5

Yiti mepena kyɛ mesi sua mefa AWURADE me Nyameɛ dumaa meto so, kyɛbɔ AWURADE hã hyirele me baba Dawide kyɛ, ‘Ɛwa bɔ ngɔfa ye ngosi wɔ gya nu maa okoli wɔ bia ne, ye yeɛ okosi sua kɔfa me dumaa kɔto so ɔ.’

Yesaya 32:18

Me maen kɔtena asomdwee atenaleɛ, anwotɔ atenaleɛ nu, ɔne nwomelelɛ atenaleɛ konn nu.

Yesaya 36:16

Nnɛma ɛmɔtɛ Hesekia so, ofikyɛ Asiria hene nwa: Ɛ́mɔfite bɛbra beeli ɛmɔ ti dwirɛ wɔ me berɛ. Ɔba ye sɔ a, ɛmɔ nu biala konya ye bɔbɔ ye bobe ne ye borɔdoma koli, na okonya ye bɔbɔ ye abura nu nzue kɔno,

Yeremia 32:15

Ofikyɛ Asafo AWURADE, Yisrael Nyameɛ nwa: Bekosa bɛkɔtotɔ sua ne eboo ne bobe boo mɔ bieku wɔ aseɛ he aso.’

Hosea 2:18

Na sɔ kyẽa ne, ngɔyɛ apam ngɔma bɛ, me ne eburo ngaka, ewienu nnomaa, yeɛ ngaka bɔ bɛtwe bɛ nwo ase ɔ. Ngobubu agyaen, ngrandɛ ne koɛhonɛ nu ngofi aseɛ ye aso, na ngɔmaa bɛkɔlela berɛ asomdwee nu.

Mika 4:4

Ebiala kɔtena ye bobe ne ye borɔdoma bakaa bo, na ebiala ngonwunanwuna bɛ, ofikyɛ Asafo AWURADE bɔbɔ yeɛ wate ye noa wahã ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.