Sakaria 2:9 - AHYERƐLƐ KRONGRON

⁹ “Tie, ngɔtengyɛ me sa ngɔhɔ bɛ so, na bɛ koso bɛkɔyɛ koɛ nu nzesadeɛ bɛkɔma bɛ ngoaa mɔ, na afei ɛmɔkonwu kyɛ Asafo AWURADE yeɛ wasoma me ɔ.

Sakaria 2:9 Iomraidhean Croise

Yesaya 10:32

Ɛnɛ kyẽa ye, Asiria koogyina wɔ Nɔbo, ɔkɔkoakoa twɔleɛ kohyire Sion awa brasua bokaa ne, Yerusalem pambaa ne.

Yesaya 11:15

Misraim ɛpo ne noa bɔ wadidi wahɔ nu ne, AWURADE kɔwewe ye bɔkɔɔ. Ɔkɔfa ye mvrama hyerɛhyerɛ ne kɔnwaha ye sa wɔ asue Yufreti so, ɔkɔpakyepakye nu maa ɔkɔyɛ asue mmaa mmaa nzoo, bɔ sona pɛ ye a ye gya bo ngɔloa ɔ.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 13:2

Ɛ́mɔfa frangaa bɛ́pena bokaa pralaa ti afia, ɛ́mɔtea nu bɛ́frɛ bɛ, ɛ́mɔbɔ bɛ ba ma beewurawura atitirefoɛ nemɔ b’anoa nu.

Yesaya 14:2

Maen maen mɔ kɔfa Yisraelfoɛ bɛkɔwa Yisraelfoɛ bɔbɔ b’aseɛ so, na Yisrael awuro ama kɔfa maen maen nemɔ kɔyɛ nganga ne afaneɛ mɔ wɔ AWURADE aseɛ ne aso. Na mmenia bɔ bɛhyele Yisrael nnure ne, Yisrael koso kɔhye bɛ nnure, na bekoli sɔ mmenia bɔ bɛhyɛle bɛ so ne aso.

Yesaya 19:16

Sɔ kyẽa ne, Misraim kɔyɛ kyɛ mmrasua, na ɛserɛ kɔma bɛ nwo kɔwoso bɛ tɛtɛtɛtɛ wɔ Asafo AWURADE nyunu, ɔnate ye tumi bɔ ɔfa tea bɛ ne ati.

Yesaya 26:1

Sɔ kyẽa ne, bɛkɔto sɔ dwein he wɔ Yuda aseɛ so: “Yɛle kuro bɔ ye nwo yɛ se ɔ, wafa ngoalelɛ wayɛ yɛ nwo fasue ne ɛwaen.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Yesaya 33:21

Amba, animnyam AWURADE ne, berɛ yeɛ ɔkɔyɛ yɛ kuro bɔ asue mbiri mbiri ne asue mmaa mmaa bɛwɔ ɔ, nekaa bɔ ɛlɛen bɔ bɛfa tabɔnga bɛkã ɔ ngora berɛ kɔ ɔ, nekaa bɔ ɛlɛen mbiri koso bɛngora nu berɛ pɛ ɔ.

Yesaya 33:23

Wɔ nyamaa ne anu agoho, ɔngora nzosɔ ɛlɛen bakaa ne anu pindinn, yeɛ ɔngora ndrɛtrɛ ɛlɛen frangaa ne anu. Bɛkɔhyɛ koɛ nu nzesadeɛ pee bɔ banya ye ɔ, bubuafoɛ kɔfẽ nningyein bɛkɔfa.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yesaya 48:16

Ɛmɔhwe bepingye me, ɛ́mɔtie sɔ dwirɛ he: Ofi ahyɛaseɛ ne, nndwudwole mvealeɛ nu, ofi mmerɛ bɔ osili ne, né nwɔ berɛ.” Na afei de, AWURADE Nyameɛ ɔne ye Sunzum basoma me.

Yesaya 60:18

Bɛngɔte basabasayɔlɛ nga ko wɔ w’aseɛ so, bɛngɔte nzɛmmɔne anaa nningyein sɛkyelɛ nga wɔ w’aseɛ ne aso kodwu ɛwɛen so; ɛkɔfrɛ wɔ fasue mɔ: Ngoalelɛ, ɔne wɔ kuro pambim mɔ: Ayɛyelɛ.

Yesaya 60:19

“Nna eyia yeɛ ɔkɔyɛ wɔ kanea alehyeleɛ ɔ ko, yeɛ nna ɛsraen yeɛ ɔkɔta hyireinn kɔma wɔ alesaleɛ nu ɔ, na mmom AWURADE yeɛ ɔkɔyɛ wɔ kanea afebɔɔ ɔ, na wɔ Nyameɛ kɔyɛ w’animnyam.

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Yeremia 28:9

Na ngɔmhyɛlɛniɛ bɔ ɔhyɛ ngɔm kyɛ asomdwee kɔwa ne, sɛ sɔ ngɔmhyɛlɛniɛ ne ye dwirɛ ne ba nu a, ye de bekonwu ye kyɛ AWURADE yeɛ wasoma sɔ ngɔmhyɛlɛniɛ ne amba.”

Yeremia 8:19

Tie, me maen awa brasua ye sufrɛ fi aseɛ ne ti kɔkã ye ti kyɛ, ‘Aso AWURADE nne Sion anaa? Aso ye Hene ne, ɔnne kuro ne anu anaa?’ “Nzu ati yeɛ bafa b’amoen nemɔ ne amaenmaenso mmosoen bawura me apue ye?”

Hesekiel 39:10

Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.

Yoel 2:27

Ɛmɔkonwu kyɛ nwɔ Yisrael nu, na me ole AWURADE ɛmɔ Nyameɛ, ebiala nne berɛ ko, na me maen nyunu ngogua ase le.

Habakuku 2:17

Ofikyɛ nzɛmmɔne bɔ ayɔ atia Lebanon ne, ɔne ngaka mɔ huhunɛ bɔ ɔmaa besurole ne, okobu kosa wɔ, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Habakuku 2:8

Ɔnate kyɛ afẽ maen maen pee afa ne ati, maen ngaa nemɔ amukoraa koso bɛkɔfẽ wɔ bɛkɔfa, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Sefania 2:9

Yiti, kyɛbɔ nde ase ye, amba, Moabo kɔkakyi kyɛ Sodom, yeɛ Amonfoɛ bɛkɔkakyi kyɛ Gomora, ndetema ne ngyee ngumaa aseɛ ne aseɛ pralaa afebɔɔ. Na me maen mmaa bɔ bɛkɔha ne, bɛkɔfẽ bɛ bɛkɔfa, yeɛ me maen mmaa bɔ bekonya bɛ ti bekodidi nu ne, bɛkɔfa bɛkɔyɛ bɛ deɛ, Asafo AWURADE, Yisrael Nyameɛ noa dwirɛ ɛne.”

Sefania 3:15

AWURADE aye ndɛenbualɛ ne wafi wɔ so, wapia wɔ pɔfoɛ mɔ wagua dɔ. AWURADE, Yisrael hene ne, ɔte wɔ nu, engosuro amaneɛ biala ko.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Sakaria 6:15

“Na bɛ bɔ bɛwɔ nziɛ nziɛ ne, bɛkɔwa bɛkɔɔboka wɔ AWURADE asɔneyɛɛ sua ne silɛ nu, na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ. Na sɛ ɛmɔyɛ AWURADE ɛmɔ Nyameɛ dwirɛ nwo sotie bɔkɔɔ a, sɔ dwirɛ ne kɔwa nu.”

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Yohane 13:19

Afei mekã ɛhe mekyire ɛmɔ koraka né wasi, amaa sɛ osi a, ɛmɔale bali kyɛ me ole Ye.

Yohane 16:4

Na mahã ɛhemɔ mahyire ɛmɔ, amaa sɛ mmerɛ ne dwu a, ɛmɔakaye kyɛ nga ngyirele ɛmɔ. Na manga ɛhemɔ mangyire ɛmɔ ahyɛaseɛ ne, ɔnate kyɛ né me ne ɛmɔ yeɛ yɛwɔ berɛ ɔ.