Sakaria 2:8 - AHYERƐLƐ KRONGRON

⁸ Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Sakaria 2:8 Iomraidhean Croise

Gyenesise 20:6

Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ.

2 Ahemvo 24:2

Na AWURADE somane koɛhonɛfoɛ ɛlɔen fili Kaldeafoɛ, Siriafoɛ, Moabofoɛ ne Amonfoɛ nu maa bɛhɔle Yehoakim so. Ɔmaa bɛɛfale koɛ bɛtetale Yuda maen ne kyɛ bɛsɛkye ye, kyɛbɔ AWURADE dwirɛ bɔ ɔnate ye somvoɛ ngɔmhyɛlɛfoɛ so hane ne, ɔte ne ala.

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Anyandera 7:2

Di me mmeraa dwirɛ so ná nya ngoa; ma me ngyerɛkyerɛ nwo hia wɔ kyɛ wɔ nye kyiremvua;

Yesaya 49:19

“Nahorɛ nu, wɔ nguro ne wɔ maen bɔ babɔ ye ne, ɔne w’aseɛ bɔ wakakyi kurofoen ne, afei de, ɔkɔyɛ kaaba kɔma wɔ mmenia bɔ bɛbaatena wɔ nu ne, na bɛ bɔ bɛbɔle wɔ tɔɔ ne de, bɛkɔhɔ dedeede.

Yeremia 12:14

Maen maen bɔnefoɛ bɔ me ne bɛ yɛbɔ wɛen, bɔ bɛte bɛ sa bɛkã agyapadeɛ bɔ mafa mama me maen Yisrael maa wayɛ ye deɛ ne, bɔ AWURADE kã fa bɛ nwo ole kyɛ, “Tie, ngotu bɛ bo ngofi b’aseɛ ne aso, na ngotu Yuda awuro ama bo ngofi bɛ nu.

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Hesekiel 25:12

“AWURADE Nyameɛ nwa nyoo, ‘Ɔnate kyɛ Edom atɔ Yuda awuro ama so wereɛ, ná afei wali ye nwo foɛ paa kyɛ watɔ bɛ so wereɛ ne ati,

Hesekiel 25:15

“AWURADE Nyameɛ nwa nyoo, ‘Ɔnate kyɛ Filistifoɛ batɔ ye so wereɛ, ná bafa atianuserɛ ɛpɔen batɔ ye so wereɛ, kyɛ bekonua ye boso ne ati;

Hesekiel 26:2

“Sona awa, ɔnate kyɛ Tiro wahã wafa Yerusalem nwo kyɛ, ‘Ehee! Pambim bɔ né maen maen mɔ bɛfa nu bekodi dwaa ne, wabubu. Afei de, dwaa nningyein ne kɔkakyi kɔwa me berɛ; na kekesaala ye bɔ wabɔ ye de, ngonya me nwo,’ ne ati,

Hesekiel 26:20

ye de, ngɔfa wɔ ngɔboka bɛ bɔ ofi tetetete bedwu ase bɛkɔ ɛborɔ kumaa nu ne aso, na ngofindi wɔ ngɔto ase. Ngɔmaa ɛkɔtena aseɛ bo dɔ, nekaa bɔ berɛ te aworabɔlɛ fi tetetete ne, ɛne bɛ bɔ bedwu ase bɛkɔ ɛborɔ kumaa nu ne, amaa ɔnate so ebiala wandena wɔ nu ko, na ngɔma animnyam kɔwa ateasefoɛ aseɛ so.

Hesekiel 35:5

Na ɔnate kyɛ asɔ ɛpɔen nu bɔ ɛngɔyakyi nu, bɔ afa ngrandɛ ahũhũ Yisraelfoɛ wɔ b’amaneɛ mmerɛ nu, wɔ bɛ sohwenɛ bɔ ɔpɛ ye bo mmerɛ nu ne ati,

Hesekiel 36:11

Ngɔma mmenia ne ngaka bɛkɔta pee wɔ ɛmɔ so; bɛkɔwowo bɛkɔsone pee. Ngɔmaa mmenia kɔtenatena ɛmɔ so kyɛ daa ne ala, na ngɔlo ɛmɔ ngɔtra bɔ nyɛle ɛmɔ daa ne, na afei ɛmɔkonwu kyɛ me ole AWURADE.

Hesekiel 38:11

na ekose kyɛ, ‘Ngootua maen bɔ fasue nne ye nguro mɔ nwo ne, ngɔɔfa koɛ ngɔtoa mmenia bɔ bɛte berɛ konn asomdwee nu ne, bɔ bɛ mukoraa bɛtete nguro bɔ fasue nne bɛ nwo ɔ nu, bɔ belle pambim anaa mmuralɛ bɔ ɔbrambram pambim si ɔ;

Hesekiel 38:14

“Yiti, Sona awa, hyɛ ngɔm ná se Gɔgo kyɛ, AWURADE Nyameɛ nwa nyoo: Aso nna kyẽa bɔ me maen Yisrael ɔte asomdwee nu ne yeɛ ekonwu ye ɔ?

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Mika 4:11

Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Mika 5:6

Na bɛkɔfa ngrandɛ bekoli Asiria aseɛ ne aso ngonim, yeɛ Nimrode aseɛ ne aso pambim mɔ anu; sɛ Asiria ɔba y’aseɛ ne aso, ná otiatia y’aseɛ nemɔ aso a, okole yɛ kofi ye sa nu.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Habakuku 2:17

Ofikyɛ nzɛmmɔne bɔ ayɔ atia Lebanon ne, ɔne ngaka mɔ huhunɛ bɔ ɔmaa besurole ne, okobu kosa wɔ, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Habakuku 2:8

Ɔnate kyɛ afẽ maen maen pee afa ne ati, maen ngaa nemɔ amukoraa koso bɛkɔfẽ wɔ bɛkɔfa, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Sefania 2:8

“Mate Moabo anyingahanɛ ne, yeɛ alapaa bɔ Amonfoɛ bɛfa bɛbɔ me maen ne, ɔne kyɛ bele anwomasoɛ bede me maen aseɛ ne ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 2:9

“Tie, ngɔtengyɛ me sa ngɔhɔ bɛ so, na bɛ koso bɛkɔyɛ koɛ nu nzesadeɛ bɛkɔma bɛ ngoaa mɔ, na afei ɛmɔkonwu kyɛ Asafo AWURADE yeɛ wasoma me ɔ.

Sakaria 8:5

Kuro ne, mmɛɛmaa ne mmaayaa koyi ye dwaa nemɔ aso to, bɔ bekoli angorɛ wɔ ye dwaa nemɔ aso ɔ.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Yohane 17:18

Na kyɛbɔ ɛsomane me wɔ wiase ne, sɔ ala yeɛ me koso masoma bɛ wɔ wiase ɔ.

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Deuteronomi 32:10

“Onwuni ye wɔ ɛserɛ so, ɛserɛ pralaa suronyisuronyi so; ɔfale ye wurale ye kunu, ɔneane ye so, na ɔbɔle ye nwo waen kyɛ ye nye kyiremvua.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.