Sakaria 2:6 - AHYERƐLƐ KRONGRON

⁶ Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Sakaria 2:6 Iomraidhean Croise

Gyenesise 19:17

Na bɛfale bɛ befili kuro ne aso nen, besele kyɛ, “Nwati pena wɔ ti ngoa! Nnɛnea wɔ si, yeɛ nnɛgyina aseɛ frɛtɛɛ ye aso nekaa biala! Nwati kɔ mmokaa ne anu dɔ, kyɛbɔ ɔkɔyɛ na anyera ɔ!”

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Yesaya 48:20

Ɛ́mɔfi Babilɔn béfite bɛhɔ, ɛ́mɔnwati béfi Kaldeafoɛ nu, ɛ́mɔfa ahurusililɛ bɛ́bɔ ye nwo ese, ɛ́mɔbɔ ye nwo dawure, ɛ́mɔma odwu aseɛ so nekaa biala. Ɛ́mɔhã kyɛ, “AWURADE apɔ ye somvoɛ Yakob wale ye!”

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yeremia 1:14

Yeɛ AWURADE sele me kyɛ, “Sorɔ dɔ yeɛ musue kofi kɔwa aseɛ ne aso ama mukoraa bɛ so ɔ.

Yeremia 15:4

Na ngɔma aseɛ ye aso ahennie amukoraa bɛ nwo kodwiri bɛ wɔ bɛ nwo, ɔnate bɔ Yuda hene Hesekia awa Manase ɔyɔle ye wɔ Yerusalem ne ati.

Yeremia 3:18

Sɔ mmerɛ ne anu, Yuda awuro ama kɔboka Yisrael awuro ama nemɔ aso, na aseɛ bɔ mva mane ɛmɔ nana mɔ maa ɔyɛle b’agyapadeɛ ne, bɛkɔbɔ nu bekofi sorɔ dɔ aseɛ ne aso bɛkɔwa so.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 31:38

“Tie, mmerɛ bie ɔ́ba, bɔ kuro ne, ofi Hananel abandenden bɔ ɔkwaadwu ndweasoɛ pambim ne, bekosa bɛkɔkyekye bɛkɔma AWURADE ɔ, AWURADE noa dwirɛ ɛne.

Yeremia 31:8

Tie, ngɔɔfa bɛ ngofi sorɔ dɔ aseɛ ne aso, ná maboaboa bɛ noa mafi aseɛ noa dɔ paa bɔ ɛhemɔ boka so ɔ: anyesiniwaafoɛ ne bubuafoɛ, mmrataen ne pemvoɛ mɔ, na bɛte fekue kandinga bɔ bekosa bɛkɔwa wa ɔ.

Yeremia 50:8

Ɛ́mɔnwati béfi Babilɔn, ná ɛ́mɔfi Kaldeafoɛ aseɛ ne aso bɛhɔ, na ɛ́mɔyɛ kyɛ mbɔngye nyii bɔ beli mmoaen kure nemɔ nyunu ɔ.

Yeremia 51:45

“Me maen, ɛ́mɔfi ye nu befite! Odi kyɛ ebiala ɔpepɛ de ye kra fi AWURADE yaafɛlɛ piri ne anu.

Yeremia 51:50

“Ɛmɔ bɔ ɛmɔanya ɛmɔ ti badidi nu bafi ngrandɛ noa ɔ, ɛ́mɔfi wa bɛhɔ, nnɛma ɛmɔgyina! Odi kyɛ ɛmɔkaye AWURADE wɔ dedeede dɔ, ná ɛ́mɔkaye Yerusalem koso.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Hesekiel 11:16

Yiti kã kyɛ, ‘AWURADE Nyameɛ nwa nyoo: Ɔwɔ nu kyɛ nzesale bɛ ngɔle maen maen mɔ so dedeede de, yeɛ ndole bɛ mbetene aseɛ mɔ so de, nakoso nde nekaa krongron mema bɛ wɔ mmerɛ kãa bie, wɔ aseɛ mɔ bɔ bɛhɔle so nemɔ aso.

Hesekiel 17:21

Ye koɛhonɛfoɛ bɔ bɛkɔnwati ne amukoraa, bɛkɔtotɔ ngrandɛ noa, na bɛ bɔ bekonya bɛ ti bekodidi nu ne, bɛkɔbɔ bɛ bɛkɔsande bɛkɔhɔ nekaa bɔ mvrama bɔ kɔ biala, amaa ɔnate so ɛmɔanwu kyɛ me, AWURADE, yeɛ mahã sɔ ɔ.”

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Daniel 11:4

Na sɛ onya nyinasoɛ yie a, afei ye ahennie ne kɔbɔ, na nu kɔhyehyɛ kɔhɔ nyameɛso mvrama nna nemɔ anu; nakoso ongooli ye bosofoɛ mɔ sa, yeɛ tumi bɔ bɛkɔfa bekoli hene ne ɔngɔyɛ kyɛ ye deɛ ne; ofikyɛ ye ahennie ne kogyigya, na okooli ebiemɔ mbaen bɛ sa nu.

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 2:7

Huuu, Sion ee, pepɛ de wɔ nwo oo, wɔ bɔ ɛne Babilɔn awa brasua bɛte ɔ.

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Marko 13:27

Na ɔkɔsoma ye abɔfo mɔ maa bɛkɔɔboaboa bɛ bɔ waneanea nu waye bɛ nemɔ bekofi mvrama nna nemɔ anu, kofi aseɛ noa koodwu anwuro noa.

Deuteronomi 28:64

“AWURADE kɔmaa ɛkɔbɔ aya wɔ maen maen mukoraati so, fite aseɛ ti kɔka ye ti; na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ, bɔ wɔ anaa wɔ nana mɔ bɛnze bɛ ɔ.

Nyekyire 18:4

Na nza ndele komviɛ foforɛ mvili nyameɛso kyɛ, “Me mmenia, ɛ́mɔfi ye nu béfite, ná ɛmɔanyɔ ye bɔne yɔleɛ ne bie, ná ye hawo ne bie amma ɛmɔ so.

Rutu 4:1

Boase hɔle kuro berɛ pambim ne anwo ɔɔtenane ase. Wangyɛ yeɛ busuaniɛ bɔ Boase hane ye dwirɛ ne koso ɔɔpɛle nu berɛ ɔ. Na Boase frɛle ye kyɛ, “Nniɛma, bra wa baatena ase.” Na opingyele ye ɔɔtenane ase.