Sakaria 2:5 - AHYERƐLƐ KRONGRON

⁵ Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Sakaria 2:5 Iomraidhean Croise

Edwein 125:2

Kyɛbɔ mmokaa apɛ Yerusalem nwo ayia ne, sɔ ala yeɛ AWURADE apɛ ye maen nwo wayia, ofi ɛnɛ bɔ ɔkwaadwu afebɔɔ ɔ.

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 48:12

Ɛ́mɔnate behyini Sion nwo bɛbra beyia, ɛmɔha ye abandenden nemɔ;

Edwein 48:3

Nyameɛ wɔ kuro berɛ anwoserɛ afealeɛ ne anu, na wahyire kyɛ ye yeɛ ɔbɔ kuro ne anwo waen ɔ amba.

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 31:9

Ɛserɛ kɔmaa ɔkɔnwati kofi ye anwoserɛ afealeɛ nu, yeɛ ahunundetelɛ kɔma ye safohene mɔ bɛkɔnwati bɛkɔyakyi bɛ frangaa berɛ.” AWURADE bɔ ye see wɔ Sion, bɔ ye foonoo wɔ Yerusalem ne, ye noa dwirɛ ɛne.

Yesaya 32:18

Me maen kɔtena asomdwee atenaleɛ, anwotɔ atenaleɛ nu, ɔne nwomelelɛ atenaleɛ konn nu.

Yesaya 33:21

Amba, animnyam AWURADE ne, berɛ yeɛ ɔkɔyɛ yɛ kuro bɔ asue mbiri mbiri ne asue mmaa mmaa bɛwɔ ɔ, nekaa bɔ ɛlɛen bɔ bɛfa tabɔnga bɛkã ɔ ngora berɛ kɔ ɔ, nekaa bɔ ɛlɛen mbiri koso bɛngora nu berɛ pɛ ɔ.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yeremia 31:39

Na nyamaa bɔ bɛfa besusu nikyee ne, ɔkɔhɔ ye nyunu tee koodwu Garebo pambaa ne, ná wakondo wahɔ Gowa.

Hesekiel 38:14

“Yiti, Sona awa, hyɛ ngɔm ná se Gɔgo kyɛ, AWURADE Nyameɛ nwa nyoo: Aso nna kyẽa bɔ me maen Yisrael ɔte asomdwee nu ne yeɛ ekonwu ye ɔ?

Hesekiel 42:20

Osusuli ye bue nna ne. Né fasue wɔ ye nwo bra yia bɔ ye tendenn nu te agyirɛ ɛyaa nnu, ye tɛtrɛtɛɛ nu te agyirɛ ɛyaa nnu, kyɛ ɔfa yɛ nekaa krongron berɛ ɔne nekaa mbaen ne b’afia mbɛmuɛ.

Hesekiel 47:3

Biaa ne hɔle eyia afiteleɛ so dɔ, bɔ né otira nyamaa bɔ bɛfa besusu nikye ɔ. Osusuli agyirɛ apee ko; ɔfale me pɛle nzue ne, na né odwu me gya kɔme.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 2:10

O Sion awa brasua, to dwein ná di ahurusi; ofikyɛ tie, méba, na ngɔɔtena wɔ nu, AWURADE noa dwirɛ ɛne.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.