Sakaria 2:4 - AHYERƐLƐ KRONGRON

⁴ na osele ye kyɛ, “Tu amirika kɔhã kyire aberandeɛ he kyɛ, ‘Yerusalem kɔyɛ kyɛ nguraa nguraa bɔ fasue nne bɛ nwo ɔ, ɔnate nu mmenia somaa ne nu nyɛmmoa somaa ti.

Sakaria 2:4 Iomraidhean Croise

Ɛseta 9:19

Ye sɔ ne ati, Yudafoɛ bɔ bɛwɔ namue nemɔ anu, bɔ fasue nne bɛ nguro nemɔ anwo ne, batu bosome Ada, ye kyẽa bɔ ɔtɔ so buru ne nna ne basie berɛ kyɛ ɔte anigye ne ɛpoentolɛ kyẽa, na ɔte nwomelelɛ kyẽa bɔ bɛkyekyɛ bɛ nwo bɛ nwo aleɛ ɔ.

Yesaya 33:20

To wɔ nye nea Sion, kuro bɔ yɛdi yɛ aluolue nemɔ wɔ so ne! Wɔ nye konwu Yerusalem, bɔ ɔte asomdwee atenaleɛ, ɛtena sua bɔ bendutu ye bo, bɔ bengotutu ye pɛmbɛen nemɔ bo le ne, bɔ ye nyamaa ne anu biala ngɔtete ne.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yesaya 49:20

Na ngwadaa bɔ ɛwole bɛ wɔ mmerɛ bɔ wɔ mma fili wɔ sa ne anu ne, bɛkɔhã bekogua wɔ so anu bieku kyɛ, ‘Ɛwa te kãa ma me, trɛ nu maa nya nekaa ndena.’

Yesaya 54:16

Tie, me yeɛ mmɔle buralɛ dwumvoɛ bɔ ofita ebunaen see nu, ná ɔbɔ akodeɛ maa akodeɛ ne fata adwuma bɔ bɛfa bɛyɔ ɔ. Nakoso me ala yeɛ mmɔle sɛkyefoɛ kyɛ ɔsɛkye nningyein ɔ.

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Yeremia 31:24

Na akuafoɛ mɔ ne bɛ bɔ bɛfa mmoaen kure bɛkɔ adidie ne, bɛkɔtena Yuda ne ye nguro nemɔ amukoraa so bɛkɔbɔ nu.

Yeremia 31:27

“Tie, mmerɛ bie ɔ́ba bɔ Yisrael awuro ama ne Yuda awuro ama mɔ, ngɔfa mmenia bosofoɛ ne ngaka bosofoɛ yeɛ ngolua ɔ, AWURADE noa dwirɛ ɛne.

Yeremia 33:22

Kyɛbɔ bɛngɔhora ewienu nzramaa ka, ná bɛngɔhora mboanoa anweaa susu ne, sɔ alaa yeɛ ngɔmaa me somvoɛ Dawide ye boso ama, yeɛ Lewifoɛ bɔ bɛso me ne, bɛkɔta pee ɔ.”

Hesekiel 38:11

na ekose kyɛ, ‘Ngootua maen bɔ fasue nne ye nguro mɔ nwo ne, ngɔɔfa koɛ ngɔtoa mmenia bɔ bɛte berɛ konn asomdwee nu ne, bɔ bɛ mukoraa bɛtete nguro bɔ fasue nne bɛ nwo ɔ nu, bɔ belle pambim anaa mmuralɛ bɔ ɔbrambram pambim si ɔ;

Daniel 1:17

Na sɔ mmerandeɛ nna hemɔ de, Nyameɛ mane bɛ nimdeɛ ne ndeaseɛ wɔ nwomaasualɛ ne nworɛ amukoraa nu, na Daniel nyane nyekyire ne laleɛ mukoraa nu ndeaseɛ.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Mika 7:11

Kyẽa bɔ odi kyɛ besi wɔ fasue nemɔ nen, sɔ kyẽa ne yeɛ bɛkɔtrɛ ɛwɛen ne anu bɛkɔhɔ dedeede ɔ.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 1:17

Bɔ ye dawure bieku kyɛ, Asafo AWURADE nwa nyoo: Me nguro nemɔ kosa konya ngɔsoɛ mmorosoɛ, na AWURADE kosa kɔkyekye Sion wora, na okosa kɔneanea nu kɔye Yerusalem.’ ”

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Sakaria 14:12

Na maen maen amukoraa bɔ bafa koɛ baatoa Yerusalem ne, ɛhawo he yeɛ AWURADE kɔprapra kogua bɛ so ɔ: Bɛ nwonaen kɔporɔ wɔ mmerɛ bɔ bɛtɛ gyigyi bɛ gya so ɔ, bɛ nye kɔporɔ wɔ bɛ nye tokuro ne anu, yeɛ bɛ temverema kɔporɔ wɔ bɛ noa nu.

1 Timoteo 4:12

Nnɛma ebiala bu wɔ animtia kyɛ ɛte aberandeɛ ɔ, na mmom ma agyidifoɛ bɛyɛ nhwɛsoɛ wɔ edwudwolɛ nu, brabɔlɛ nu, ɔdɔ nu, gyidie nu ne anwotelɛ nu.