Sakaria 2:2 - AHYERƐLƐ KRONGRON

² Yeɛ mmisale kyɛ, “Nisua yeɛ ɛkɔ ɔ?” Na obuale me kyɛ, “Mekwaasusu Yerusalem menea kyɛbɔ ye tɛtrɛtɛɛ ne ye tendenn nu osi te ɔ.”

Sakaria 2:2 Iomraidhean Croise

Yeremia 31:39

Na nyamaa bɔ bɛfa besusu nikyee ne, ɔkɔhɔ ye nyunu tee koodwu Garebo pambaa ne, ná wakondo wahɔ Gowa.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Hesekiel 45:6

“Ma aseɛ bɔ ye tɛtrɛtɛɛ nu te agyirɛ apee nnu, bɔ ye tendenn nu te agyirɛ apee aburanyɔ ne nnu ɔ ɔla kuro ne anwo, wɔ aseɛ krongron ne anwo, na ɔkɔyɛ Yisrael awuro ama amukoraa bɛ deɛ.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 5:10

Yeɛ mmisale abɔfo bɔ ɔne me dwudwole ne kyɛ, “Nisua yeɛ ɛhemɔ bɛfa asusudeɛ kɛndɛen ne bɛkɔ e?”

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’

Nyekyire 11:1

Afei bɛmane me elemmire bie bɔ ɔte kyɛ pɔmaa, na besele me kyɛ, “Dwɔso ná susu Nyameɛ asɔneyɛɛ sua ne, afɔleɛ bokyea ne, ɔne bɛ bɔ bɛsɔne wɔ nu ne.