Sakaria 2:13 - AHYERƐLƐ KRONGRON

¹³ Adasa mukoraa, ɛ́mɔyɛ konn wɔ AWURADE nyunu; ofikyɛ wawoso ye nwo wɔ ye atenaleɛ krongron berɛ.

Sakaria 2:13 Iomraidhean Croise

2 Aberɛso Dwirɛ 30:27

Yeɛ asɔfo nemɔ ne Lewifoɛ nemɔ bedwɔso begyinane berɛ beyirale maen ne. Nyameɛ tiele bɛ mbaeɛ, na bɛ mbaeɛ ne oodwuli ye nekaa krongron bɔ ɔte wɔ nyameɛso ne.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Edwein 78:65

Yeɛ AWURADE dwɔsole kyɛ sona bɔ ofi nnaa nu ɔ, kyɛ anwoserɛniɛ bɔ nzaa maa ɔteatea nu ɔ.

Yesaya 14:2

Maen maen mɔ kɔfa Yisraelfoɛ bɛkɔwa Yisraelfoɛ bɔbɔ b’aseɛ so, na Yisrael awuro ama kɔfa maen maen nemɔ kɔyɛ nganga ne afaneɛ mɔ wɔ AWURADE aseɛ ne aso. Na mmenia bɔ bɛhyele Yisrael nnure ne, Yisrael koso kɔhye bɛ nnure, na bekoli sɔ mmenia bɔ bɛhyɛle bɛ so ne aso.

Yesaya 19:16

Sɔ kyẽa ne, Misraim kɔyɛ kyɛ mmrasua, na ɛserɛ kɔma bɛ nwo kɔwoso bɛ tɛtɛtɛtɛ wɔ Asafo AWURADE nyunu, ɔnate ye tumi bɔ ɔfa tea bɛ ne ati.

Yesaya 41:1

Supɔ mɔ, ɛ́mɔyɛ dinn bétie me! Odi kyɛ maen maen mɔ bɛkanyane b’anwoserɛ, odi kyɛ bepingye wa bɛbɔ bɛ nguro, odi kyɛ yɛyia nu yɛdi dwirɛ ne.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 57:5

Ɛmɔ bɔ ɛmɔ ne mmosoen bɛbɔ adwaman wɔ bakaa monɛ biala bo ɔ, ɛmɔ bɔ ɛmɔkuku ɛmɔ mma mɔ wɔ bɔnza nemɔ anu wɔ nyɔbotaen ngumaa nemɔ anu ɔ?

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yeremia 25:30

“Yiti, fa sɔ dwirɛ hemɔ amukoraa hyɛ ngɔm tia bɛ, ná se bɛ kyɛ, ‘AWURADE kofi anwuro anwuro kɔbobɔ nu, na ɔkɔtea nu kofi ye atenaleɛ krongron ne anu berɛ; ɔkɔbobɔ nu serɛserɛ kogua ye atenaleɛ so, na ɔkɔtea nu kyɛ bɛ bɔ bétwi bobe ɔ kogua aseɛ ye aso ama amukoraa so.

Habakuku 2:20

Nakoso AWURADE wɔ ye asɔneyɛɛ sua krongron ne anu, na odi kyɛ aseɛ amukoraa yɛ konn wɔ ye nyunu.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.

Sefania 2:9

Yiti, kyɛbɔ nde ase ye, amba, Moabo kɔkakyi kyɛ Sodom, yeɛ Amonfoɛ bɛkɔkakyi kyɛ Gomora, ndetema ne ngyee ngumaa aseɛ ne aseɛ pralaa afebɔɔ. Na me maen mmaa bɔ bɛkɔha ne, bɛkɔfẽ bɛ bɛkɔfa, yeɛ me maen mmaa bɔ bekonya bɛ ti bekodidi nu ne, bɛkɔfa bɛkɔyɛ bɛ deɛ, Asafo AWURADE, Yisrael Nyameɛ noa dwirɛ ɛne.”

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Sakaria 6:15

“Na bɛ bɔ bɛwɔ nziɛ nziɛ ne, bɛkɔwa bɛkɔɔboka wɔ AWURADE asɔneyɛɛ sua ne silɛ nu, na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ. Na sɛ ɛmɔyɛ AWURADE ɛmɔ Nyameɛ dwirɛ nwo sotie bɔkɔɔ a, sɔ dwirɛ ne kɔwa nu.”

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Romanfoɛ 9:20

Nzaade kuro sona, wɔ ole nwa bɔ ɛne Nyameɛ di nyeyeanoɛ ɔ? Bua ngora mmisa bɔ ɔnwone ye ne kyɛ, “Nzu ati yeɛ ɛnwone me sɔa ɔ?”

Deuteronomi 18:21

Ebiaa ekobisa wɔ nwo kyɛ, ‘Ɔkɔyɛ sɛɛ né yanwu edwirɛ bɔ nna AWURADE yeɛ ɔhane ɔ?’

Deuteronomi 18:22

Tie, sɛ ngɔmhyɛlɛniɛ bie dwudwo AWURADE dumaa nu, nakoso edwirɛ ne anzi anaa wamma nu a, né ɔte edwirɛ bɔ nna AWURADE yeɛ waha ɔ. Ngɔmhyɛlɛniɛ ne wabɔ ye bɔbɔ ye ti anu yeɛ waha ɔ, nnɛma ɛmɔsuro ye.

Deuteronomi 26:15

To wɔ nye fi nyameɛso, w’atenaleɛ krongron ne, ná nea aseɛnwo, ná yira wɔ mmenia ne aseɛ bɔ nyɔfonesue ne woɛ tengyɛ wɔ so, bɔ afa ama yɛ ne, kyɛbɔ ɛtale ndaen hyirele yɛ nana mɔ ne.’