Sakaria 2:10 - AHYERƐLƐ KRONGRON

¹⁰ O Sion awa brasua, to dwein ná di ahurusi; ofikyɛ tie, méba, na ngɔɔtena wɔ nu, AWURADE noa dwirɛ ɛne.

Sakaria 2:10 Iomraidhean Croise

Edwein 40:7

Yeɛ ngane kyɛ, “Me ɛhe; kyɛbɔ bahyerɛ bafa me nwo wɔ nwomaa bɔ babobɔ ne anu ne ala.

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Ɛksadɔso 29:45

Ngɔtena Yisraelfoɛ nu, ná mayɛ bɛ Nyameɛ.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Yesaya 37:22

edwirɛ bɔ AWURADE ahã afa ye nwo ɛhe: “ ‘Sion awa brasua ababunu ne, obu wɔ animtia, yeɛ ɔgoro wɔ nwo; Yerusalem awa brasua ne, ɔsere wɔ ɔbɔ wɔ tutue odi wɔ si.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yesaya 48:20

Ɛ́mɔfi Babilɔn béfite bɛhɔ, ɛ́mɔnwati béfi Kaldeafoɛ nu, ɛ́mɔfa ahurusililɛ bɛ́bɔ ye nwo ese, ɛ́mɔbɔ ye nwo dawure, ɛ́mɔma odwu aseɛ so nekaa biala. Ɛ́mɔhã kyɛ, “AWURADE apɔ ye somvoɛ Yakob wale ye!”

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 66:14

Ɛmɔnwu ye sɔ a, ɛmɔ nye kɔgye“‘, ɛmɔ bowue nu komia kyɛ ndire frɔmfrɔm, mmenia konwu kyɛ AWURADE tumi gyi ye somvoɛ mɔ si, na ye ahone hu ye pɔfoɛ mɔ so.

Yeremia 30:19

Asennaa dwein kofi bɛ nu kɔwa, yeɛ esebɔlɛ koso kofi bɛ nu kɔwa. Ngɔmaa bɛkɔta bɛkɔyɛ pee, na bɛngɔyɛ kãa bie. Ngɔmaa bekonya animnyam koso, na bɛ nyunu ngogua ase.

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Hesekiel 37:27

Bɛ nu yeɛ m’atenaleɛ ne koso kogyina ɔ. Amba, ngɔyɛ bɛ Nyameɛ, ná bɛ wora bayɛ me maen.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Lewitikɔso 26:12

Me ne ɛmɔ kɔnate; nde ɛmɔ Nyameɛ, na ɛmɔ koso ɛmɔkɔyɛ me mmenia.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Deuteronomi 28:64

“AWURADE kɔmaa ɛkɔbɔ aya wɔ maen maen mukoraati so, fite aseɛ ti kɔka ye ti; na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ, bɔ wɔ anaa wɔ nana mɔ bɛnze bɛ ɔ.

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”