Sakaria 14:9 - AHYERƐLƐ KRONGRON

⁹ AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Sakaria 14:9 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 67:4

Odi kyɛ maen maen bɛ nye gye ná bɛfa ahurusililɛ bɛto dwein, ofikyɛ ɛfa pɛpɛɛpɛyɛlɛ ebua maen maen mɔ ndɛen, na esa fa bu aseɛ ye aso maen maen mɔ. Sela

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Edwein 97:1

AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Amose 9:12

amaa ɔnate so bafa Edom ngaa ne bayɛ bɛ deɛ, ɔne maen maen amukoraa bɔ me dumaa la bɛ so ne bayɛ bɛ deɛ,” AWURADE bɔ ɔyɔ sɔ ne, ye noa dwirɛ ɛne.

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Sefania 3:9

“Sɔ mmerɛ ne, ngɔma maen maen mɔ bɛ noa dwirɛ kɔyɛ krongron, amaa ɔnate so bɛ mukoraa babɔ AWURADE dumaa, ná bayɛ ko baso ye.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Deuteronomi 6:4

“Yisrael, tie, AWURADE yɛ Nyameɛ ne ole AWURADE komapɛ ne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”