Sakaria 14:8 - AHYERƐLƐ KRONGRON

⁸ Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Sakaria 14:8 Iomraidhean Croise

Edwein Nu Dwein 4:15

Ɛte turo nu abura, mbombonzue ne asue mmaa mmaa bɔ bɛtengyɛ befi Lebanon so ɔ.

Yesaya 35:7

anweaa futuu hyerɛhyerɛ kɔkakyi ɛkwaa, mbombonzue kopu kofi aseɛ katerepee so, na ɛserɛ so kyea ye atenaleɛ bɔ ɔda berɛ ne, nzenzaen ne elemmire ne ngyɛngyɛma kofifi berɛ.

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Yesaya 58:11

AWURADE kɔyɛ wɔ taataa daa biala, ɔkɔma wɔ kra ko koyi wɔ aseɛ katerepee so, ɔkɔma w’aporɛ nu kɔyɛ se, ɛkɔyɛ kyɛ turo bɔ mmerɛ biala nzue doadoa nu ɔ, kyɛ mbombonzue bɔ ɔnwewe ɔ.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 7:38

Na kyɛbɔ Ahyerɛlɛ ne ahã ne, ebiala bɔ ode me di ne, ‘Ngoa asue mɔ kɔtengyɛ kofi ye kunu.’ ”

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.