Sakaria 14:7 - AHYERƐLƐ KRONGRON

⁷ Ɔkɔyɛ kyẽa sonongo bɔ AWURADE yeɛ ɔse ɔ. Nna alehyeleɛ ɔ, yeɛ nna alesaleɛ ɔ; na ɔkɔwa kyɛ, nɔsoa ne, ɔkɔyɛ hyireinn.

Sakaria 14:7 Iomraidhean Croise

Edwein 37:18

Mmenia bɔ bɛ bra te sannwuu ne, bɛ ngyẽa la AWURADE nyunu; na b’agyapadeɛ kɔtena berɛ afebɔɔ.

Yesaya 11:9

Ebiala ngohũ anaa ongopura ebiala wɔ me bokaa krongron ne aso amukoraa; ofikyɛ AWURADE nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yesaya 58:10

sɛ ɛne bɔ ɛhɔen ku ye ɔ bɛkyɛ w’aleɛ, ná ɛma sona bɔ ɔyɛ anwumvo ɔ nikyee bɔ ohia hɔ a, ye de wɔ kanea kopukye awosii nu, na w’awosii kɔyɛ kyɛ eyia ketee.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Amose 8:9

Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Mateo 24:36

“Na kyẽa ne ne dɔnhwere ne de, ebiala nze; nyameɛso abɔfo mɔ [anaa Baa ne] po nze, sana Baba ne ngome twe.

Marko 13:32

“Nakoso kyẽa ne ne dɔnhwere ne de, ebiala nze, abɔfo mɔ bɔ bɛwɔ nyameɛso po bɛnze, yeɛ Baa ne koso nze, sana Baba ne ngome.

Asomafoɛ 1:7

Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.

Asomafoɛ 15:18

Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

1 Tɛsalonikafoɛ 5:2

Ofikyɛ ɛmɔ bɔbɔ ɛmɔse ye pefee kyɛ Awurade kyẽa ne kɔwa kyɛbɔ awueniɛ ba kɔngɔen ɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 14:6

Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 21:25

Bɛngɔtoto ye anoa nemɔ anu alehyeleɛ nu koraa, yeɛ aleɛ ngɔsa berɛ;

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.