Sakaria 14:5 - AHYERƐLƐ KRONGRON

⁵ Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Sakaria 14:5 Iomraidhean Croise

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yoel 3:11

Maen maen amukoraa bɔ ɛmɔapɛ ye nwo babra bayia ɔ, ɛ́mɔyɛ ndɛ bɛbra, ɛ́mɔboaboa ɛmɔ noa wɔ berɛ. Ao AWURADE, ma wɔ koɛhonɛfoɛ nemɔ bedwu bɛbra.

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Mika 1:11

Ɛmɔ, Safirefoɛ, ɛ́mɔpɛ nu bɛhɔ bɔ ɛmɔ nwo so ná animguaseɛ ahã ɛmɔ ɔ; Saananfoɛ de, bamvite bamma; Bete Esel bɔ awuye, na ɔkɔye ye sa kofi ɛmɔ bo.

Sakaria 4:7

Ao bokaa piri, wɔ ole nwa? Ɛkɔkakyi aseɛ frɛtɛɛ wɔ Serubabɛl nyunu. Na ɔkɔfa nyɔboɛ titire ne kɔwa wɔ mmerɛ bɔ bɛbɔ ese kyɛ, ‘Nyameɛ lo ye oo, Nyameɛ lo ye oo!’ ”

Numeri 16:34

Ɔnate kyɛ Kora mɔ né bɛbɔ awuye ne ati, Yisraelfoɛ amukoraa bɔ né bapɛ bayia berɛ ne, bɛnwatili, na bɛhane kyɛ, “Aseɛ ne kɔme yɛ koso!”

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

Yakobo 5:8

Na ɛmɔ koso, ɔsɛ kyɛ ɛmɔnya aboterɛ, ɛ́mɔmia ɛmɔ nye, ofikyɛ Awurade walɛ ne apingye.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.