Sakaria 14:3 - AHYERƐLƐ KRONGRON

³ Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.

Sakaria 14:3 Iomraidhean Croise

2 Aberɛso Dwirɛ 20:15

Ɔhane kyɛ, “Yudafoɛ amukoraa, Yerusalemfoɛ ne Nana Yehosafate, ɛ́mɔtie. AWURADE nwa nyoo, ‘Sɔ ɛlɔen piri he, nnɛma ɛmɔsuro bɛ, yeɛ nnɛmɔma ɛmɔ kunu tete ɛmɔ wɔ bɛ nwo; ofikyɛ koɛ ne ɔtte ɛmɔ koɛ, na mmom ɔte Nyameɛ koɛ.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Yesaya 29:7

Na maen maen pee mukoraa bɔ bɛfa koɛ bɛteta Ariɛl ne, bɛ mukoraa bɔ bɛfa koɛ bɛteta ye ne ye anwoserɛ afealeɛ bɔ bɛmaa onwu amaneɛ ne, bekotu bekomini kyɛ laleɛ, kyɛ kɔngɔen nyekyire bie.

Yoel 3:2

ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Sefania 3:19

Tie, sɔ mmerɛ ne, me ne bɛ bɔ bɛhyɛ wɔ so ne yɛkoli. Ngɔpepɛ ngole wɔ mmubuafoɛ nemɔ, ngɔboaboa bɛ bɔ babɔ aya nemɔ noa, na ngɔmaa bekonya animnyam ne dumaa wɔ aseɛ amukoraa bɔ bagua bɛ nyunu ase wɔ so ne aso.

Sakaria 12:9

Na sɔ kyẽa ne, ngɔfa ngosie me nye so kyɛ ngɔbɔ maen maen amukoraa bɔ bafa koɛ baateta Yerusalem ɔ.

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Yosua 10:14

Ofikyɛ AWURADE ho mane Yisraelfoɛ. Kyẽa bɔ ɔte sɔ de, né ebie ɔwwale le, yeɛ ofi sɔ kyẽa ne koso, sɔ kyẽa ne bie amma le, bɔ yeɛ AWURADE tiele kuro sona sufrɛ sɔa ɔ.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.